InfoHub Logo

Juqa terezeniń aldynda otyryp alystan kele jatqan bir adamdy kóredi. Bul qaryzyn qaıtaryp alýǵa kele jatqan kisi ekenin tanyp, Juqa áıeline jalma-jan:

— Sen qaqpa aldyna shyq ta, anany sol jerde tosyp tur da... — dep sóz úıretedi.

Áıeli syrtqa shyqqanda Juqa artynan onyń qımylyn baǵyp turady.

Kelgen adam qaqpany qatty qaǵady, Juqanyń áıeli qaqpany qıys ashyp:

— Siz kim? — dep suraıdy.

— Men qaryz ıesimin, qaryzymdy alýǵa keldim, osymen júz ret kelgen bolarmyn, erińizdi tezirek shaqyryp shyǵyńyz, aıtatyn sózim bar, — deıdi kelgen adam.

— Ne sózińiz bolsa da, maǵan aıtsańyz, men oǵan jetkizip qoıamyn, sizdi sandaltyp ábden áýre qyldyq, ǵafý etkeısiz, osy joly men sizge bir kúndi belgilep bereıin, sol kúni kelseńiz, qaryzyńyzdy, sóz joq qaıtaryp beremiz, biz qazir baıýdyń amalyn taýyp aldyq, — deıdi Juqanyń áıeli óte izetpen.

— Qandaı amal? — dep suraıdy qaryz ıesi.

— Birneshe kúnnen beri qystaǵymyzdyń qoılary bizdiń qaqpanyń aldynan ótkende júnin tastap ketip jatyr, sony jıystyryp jip ıirip satsaq, qaryzyńyz qaıtatyn bolady. Qaryzyńyzdy endi súıretpeımiz, — deıdi Juqanyń áıeli.

Muny estip álgi adam keıistikpen kúledi. Juqa ol adamnyń kúlkisin estip basyn shyǵarady da:

— Endi razy bolǵan shyǵarsyz? — deıdi.

---