InfoHub Logo

Taqyryby: "Baýyrsaq" ertegisi

Maqsaty: Balalardyń "Baýyrsaq"ertegisin qýyrshaq teatry arqyly oınap kórsetýlerin túsindirý.
Damytý: Balalarǵa ertegideı juptasa oryndatý barysyn sóıleý arqyly, tildik qorlaryn, oılaý qıaldaryn este saqtaý qabiletterin damytý.
Tárbıelik: Balalardyń rolderdi oınaýǵa eńbekqorlyqqa, dostyqqa, kishipeıildikke, meıirimdilikke tárbıeleý.
Kórnekilikteri:Ún taspa, "baýyrsaq" ertegi keıipkerleriniń qýyrshaq beıneleri, shırma.
Ádis-tásilderi: Kórsetý, rólderde oınaý.
Zaldy bezendirý, orman beınesi , shırma.
Ádemi áýen qosylyp ortaǵa tárbıeshi shyǵyp ertegini:

Balalar,ómir balǵyn shaq
Ertegi tyńdap,kóńil shat.
Jastyq ómir jazǵy baq
Kóp ertegi bar jerde
Qýanysh syılar álemge.
Tárbıeshi: -Ertede shal men kempir bolypty. Birde shal...
Shal: -Búgin maǵan dámdi baýyrsaq pisirip bershi.
Tárbıeshi: - Deıdi kempirine.
Kempiri: - Unnyń bitkeni qashan, baýyrsaqty neden jasaımyn?
Shal: - Qaptyń túbinin qaǵyp, ornyn sypyrsań, biraz un da jınalyp qalar.
Tárbıeshi: - depti sonda shal.Kempir qaptyń túbin qaǵyp, tógilgenin sypyryp, eki ýystaı un jınaıdy. Oǵan qaımaq qosyp qamyr ıleıdi. Sodan soń ony maıǵa qýyrady. Pisken baýyrsaqty tereze aldyna sýytyp qoıady.
Jata-jata jalyqqan baýyrsaq terezeden jerge domalap túsip, kempir men shaldan qashyp ketedi.
Domalap kele jatyp ol qoıandy keziktiredi.
Qoıan: -Baýyrsaq, baýyrsaq men seni jeımin.

Tárbıeshi: -Deıdi.
Baýyrsaq:-Meni, jeme qoıan. Men saǵan óleń aıtyp beremin:
Men baýyrsaq, baýyrsaq,
Qaptyń túbin qaǵyp ap,
Apam eki ýys un jınap,
Qaımaq qosyp shylap,
Ystyq maıǵa qýyryp.
Terezege qoıyp sýytqan,
Men atamnan qashtym.
Apamnan da qashtym,
Al senen qashý,qoıan,
Qıyn emes maǵan.