Baýyrsaqqa óre salamyz ba?
Kúzgi ýaqyt eken. Tontaıdyń úıine bir zamandasy kelipti. Áıeli shaı jasapty. Tontaıdyń úıiniń tórgi jaǵyna tósenish qalyńdaý túsip, esik jaǵy qulama eken, dastarhanǵa salǵan az ǵana baýyrsaq yldıǵa domalap, shaldyń aldynan qashyqtaı beripti.
Áligi kisi baýyrsaqty alǵan saıyn aldyna taman ákelip qoısa, baýyrsaq jyljyp yldıǵa syrǵı beripti. Óziniń baýyrsaqqa qaıta-qaıta umtyla bergenin yńǵaısyz kórgen ol:
—Osy úıdiń baýyrsaǵy qýǵandy kóp kórgen qashaǵan ba, joq álde meniń qolymnyń ebi ketken be?—depti.
Sonda Tontaı julyp alǵandaı:
—Seniń ıkemiń ketip qıýyń qashty eken dep, baýyrsaqqa óre salyp qoıamyz ba,—depti. Qurdasy úndeı almaı qalypty. Tontaıdyń bul sózi de el aýzynda mátel bolyp ketedi.
You Might Also Like
-
Úsh jolaýshy poezd ústinde kele jatady. Poezd bir qaladan uzap shyǵa bergende tamaq jegisi keledi. Olardyń birinde kúlshe nan, ekinshisinde bir kesim kolbasa ǵana bar edi. Al úshinshisinde eshnárse de bolm...
-
Táshpembet — esi de, aqyly da bútin, biraq qalaı bolsa solaı sóıleı salatyn ańqaý, paryqsyz adam. Onyń sózin ol mańdaǵy eldiń úlkeni de, kishisi de kek tutpaıdy, qandaı sóz sóılese de, ony qyzy...
