Ýa, soǵym súıgin-aq!
Táshpembet — esi de, aqyly da bútin, biraq qalaı bolsa solaı sóıleı salatyn ańqaý, paryqsyz adam. Onyń sózin ol mańdaǵy eldiń úlkeni de, kishisi de kek tutpaıdy, qandaı sóz sóılese de, ony qyzyq kórip, máz-meıram bolyp qalady.
Birde malǵa topalań aýrýy kezdesip, kóp qoı óledi. Ol kezde qazaqtar aýyryp ólgen maldyń etin tastamaıdy, paıdaǵa jaratatyn edi. Aýyldyń jasy úlken, qadirli adamdarynyń biri ólgen qoılaryn soıyp, etin qaqtap jatyr eken. Kenet, Táshpembet kirip kelip, sálem beredi de: «Ýaǵ aǵa, soǵym súıgin-aq!» deıdi. Onyń minezin biletin, sózine tanys aýyl adamdary orynsyz aıtylǵan bul «quttyqtaý» sózdi kek qylmaıdy, qoshemetti kúlkige aınaldyrady.
You Might Also Like
-
Kúzgi ýaqyt eken. Tontaıdyń úıine bir zamandasy kelipti. Áıeli shaı jasapty. Tontaıdyń úıiniń tórgi jaǵyna tósenish qalyńdaý túsip, esik jaǵy qulama eken, dastarhanǵa salǵan az ǵana baýyrsaq yldıǵa d...
-
Baıjan — orta sharýa, jasynyń úlkendigimen birge óz aýylyna, kórshiles aýyldarǵa da ınabatty adam.
