InfoHub Logo

Árkim baı, baqýatty bolyp ómir súrýdi qalaıdy. Ol úshin tek jumys isteý jetkiliksiz. Qalaı jumys istep, qalaı paıdany arttyrýdy oılaý kerek? Ol úshin sizge teorıa kómekke keledi. Mamandar saralaǵan baıý úshin oqıtyn 10 kitapty oqyrman nazaryna usynamyz.

1. Mıllıoner Next Door

Tomas Dj Stenlı men Ýılám D. Danko 1996 jyly jazǵan bul kitap qazir klasıkaǵa aınalǵan. Ol kitapta baqýatty ómir súrý úshin jasalatyn 7 qadam aıtylǵan. Az jumsap, kóp tabýdyń strategıalyq joldary qarastyrylǵan.

2. «Baı áke, kedeı áke»  (Bogatyı papa, bednyı papa)

Robert Kııosakıdiń bul kitaby kez kelgen jastaǵy adamdarǵa arnalǵan, ári barlyq ýaqytta suranysqa ıe bolyp keledi. Kitap avtory óziniń óte bilimdi, biraq kedeı bolǵan ákesiniń ádetterin jazady.

3. Baı adamdar qalaı oılaıdy?

Bul kitaptyń avtory Stıv Sıelbol ony jazbas buryn 1000 mıllıonerler men mıllıarderlerden suhbat alǵan. Ol úshin óziniń 30 jylyn qurban etip, olardyń qarapaıym adamdardan ózgesheligin anyqtaýǵa tyrysady.

4. Durys oılaý jáne baı bolý

1937 jyly amerıkalyq jazýshy, jýrnalıs, psıholog Napoleon Hıll jazǵan. Derekti prozada qaltaly bolý úshin ne isteý kerek degen suraqqa jaýap beredi.

5. Qalaı baı adam bolýǵa bolady? (Ty eto dengı: kak stat bogatym chelovekom)

Orta deńgeıde ómir súrip júrgen adamdarǵa arnalǵan kitapty Farýh Torabı jazǵan. Turmysta aqshany qalaı únemdeýge bolady degen suraqqa jaýap beredi. Bul kitap sizge basqa álemdi tanystyrady.

6. Vavılondaǵy eń baı adam

Sizdiń baqýatty ómir súrýińiz úshin bilý kerek qupıalar men mindetter aıtylǵan. Avtory Djordj S. Kleıson bul kitapta karjylyq keleńsizdikterdi joıýdyń tásilderin usynady.

7. Baıý ǵylymy

Ýolles Vatl baıý úshin pozıtıvti oılaý men ıntellektýaldy negizderdiń maǵyzdylyǵyn kórsetedi. Kitapty oıdyń baılyqqa aparý joldary saralanady. Mysaly siz aqsha qoldyń kiri dep esepteseńiz, eshqashan baı bolmaýyńyz múmkin.

8. Avtomatty mıllıoner

Bul kitap baıý bolý úshin qarjyny únemdeý emes, saýatty jospar qurý kerektigin túsindiredi. Oqyǵan sátten bastap sol jolǵa túsý úshin ómirlik prınsıpterdi qalyptastyryp beredi.

9. Ómir sabaqtary

Bul kitapty tájirıbeli maman, mıllıarder Rıchard Brenson jazǵan. Óziniń qalaı baqýatty adam bolǵanyn, qandaı satylardan ótkenin aıtady.

10. Mıllıoner «Fast Lane»

Atalmysh kitap ózińiz naqty ne isteı alatynyńyzdy jáne ne isteı almaıtyndyǵyńyzdy anyqtap alýdy usynady. 

---