InfoHub Logo

Árqaısymyzdyń úıimizde púltpen basqarylatyn birneshe qurylǵy bar. Mysaly, teledıdar, kondısıoner, stereojúıe, úı kınoteatry nemese Apple TV, tipti keıbirimizde Hue aqyldy shamy da bar. Bul qurylǵylardyń árqaısyna bólek púlt qajet, al bizge bárin birden basqarýǵa bolatyn ámbebap púlt qajet. Jáne CES 2017-de biz ondaı púltti taptyq, bul — Sevenhugs Smart Remote.

Púlt qalaı jumys isteıdi?

Túrli kompanıalar mundaı qurylǵyny birneshe márte jasap shyǵarmaq bolǵan. Bir kezderi Logitech óziniń Harmony púltter jelisimen ámbebap púlt ıdeıasyna jaqyndaǵan da edi, alaıda ol ónimderdi minsiz deýge bolmaıdy. Sondyqtan Sevenhugs jumys isteýdiń jańa algorıtmin oılap tapty. Smart Remote bul batyrmalardyń ornyna 3,5-dúımdyq dıspleı ornalasqan kishigirim púlt. Barlyq basqarý sońǵy kezderi ádetke aınalǵan tásildermen — svaıpter jáne taptermen iske asady. Pýlpen birge úsh sensor beriledi, olardy bólmeniń ishine ilip qoıý qajet. Budan keıin púlt neniń qaı jerde ornalasqanyn túsine bastaıdy. Púltke qajetti tehnıkany ornatasyz da, keıin Smart Remote-ty baǵyttaısyz, mysaly, teledıdarǵa baǵyttap: «Bul meniń teledıdarym» deısiz. Endi púlt ony bul jaqqa bursa, teledıdardy basqarý fýnksıasyn qosý kerek ekenin biledi. Jáne bul shyn máninde jumys isteıdi.

Púlt sensorlardyń aınalasynda ǵana jumys isteıdi

Púlt bir qurylǵydan ekinshisine bir sátte aýysa alady. Bul yńǵaıly, óıtkeni arnany aýystyrý úshin nemese fılmdi toqtata turý úshin tirkelgen qurylǵylardyń ishinen teledıdardy tańdap júrýdiń qajeti joq. Biraq tehnıkasy bar kelesi bólmege ótseńiz, júıe jumys istemeıdi. Sebebi kelesi bólmede púlttiń qalybyn keńistikte anyqtaıtyn sensorlar joq. Biraq Sevenhugs púlttegi rejımder arasyndaǵy klasıkalyq aýystyrýdy qarastyrǵan. Bul asa yńǵaısyz bolǵanymen pýlttiń sensorlarsyz-aq jumys isteýge múmkindik beredi.

Sevenhugs Smart Remote qosymshalarmen jumys isteı alady

Búginde bul púlt 25 000-nan astam túrli qurylǵylardy jasaqtaıdy. Sevenhugs Smart Remote tehnıkamen Wi-Fi, Bluetooth jáne ınfraqyzyl port arqyly baılanysa alady. Bir qyzyǵy, tehnıkany basqarýdan ózge, qosymshalarmen de baılanysýǵa bolady. Mysaly, siz púltti esikke qaratyp Uber(taksı) shaqyra alasyz nemese terezege qaratyp, aýa raıyn bile alasyz. Mundaı púlttiń ıdeıasyn, ásirese aqyldy úı júıesiniń birtindep damýyn eskeretin bolsaq, danyshpandyq deýge bolady. Jáne syrt kelbeti boıynsha da Smart Remote óte stıldi, zamanaýı jáne yqsham kórinedi. Jıyntyq dok-stansıanyń kómegimen qýattalady.

Baǵasy

Qazirde aldyn ala tapsyrys berý arqyly púltti $229-ǵa satyp alýǵa bolady. Keıin, púlt serıaǵa kirgende, onyń baǵasy $300-ǵa jetedi. Qarapaıym púlt osynsha aqsha turady degenge sený qıyn. Biraq jaqsylap oılansaq, bul qarapaıym púltten áldeqaıda aqyldy qurylyǵy ekenin túsinemiz. Tamasha ıdeıa, oryndy iske asý men joǵary tehnologıalyq negiz, tartymdy stıldi óz boıynda toǵystyrǵan bul zat arzan turýy múmkin emes.

---