Baılyq-aı, seniń yzań ótti-aý maǵan,
Ne qyldym óshigerlik, janym, saǵan?
Meni kórseń jırendiń, teris qarap,
Ákeńniń mende quny bardan jaman.
Áli jaspyn, ne qyldym óshigetin?
Oıyń joq, meni esirkep, ósiretin.
Kedeılikti jiberip aıaq, qoldy
Baılattyń erik bermeı kósiletin.
Sen kelseń bar qıynym sheshiletin,
Sen joqta aıaq-qolym kesiletin.
Seniń dosyń baılardaı bolyp, mende
Kún bar ma kóńil ósip, esiretin.
Kelmeseń zarlaıtuǵyn mende hal joq,
Baıaǵy bir qý kedeı qolda mal joq.
Ómir boıy beınetten arylmaǵan,
Turmystyń kók sholaǵy, jalda-jal joq.
Báribir sonda-daǵy ómir súrem,
Qalqaqtap kóp ishinde men de júrem.
Artyktyǵy: tamaq mol, kıimi bar,
Baı kórgen dúnıeni men de kórem.
Ol maǵan ustaýǵa emes, kórýge bar,
Baılar úshin jaralǵan qazyna mal.
Adam ulyn alalap, birdeı qylmaı,
Naǵyz jaýyz — baılyq sen, peıili tar.

---