InfoHub Logo

Baıuly jeti jasar kúninde el kóship, kóp balalar: bireý taıyna, bireý atyna mingende. bir bala jylamsyrap qarap turyp qaldy. Muny kórip, Baıuly qasyna baryp:
- Sen nege atyńa minbeısiń? - dedi.
Bala qamyǵyp:
- Atym joq, kóshkende ájemmen túıege minýshi edim, - dedi.
Sonda Baıuly attan túsip jaıaý ákesine baryp:
- Men atqa mingende, er-toqymymen maǵan bir jorǵa taı atap edińiz, sol taıymdy bireýge bersem siz uryspaısyz ba? - dedi.
Ákesi:
- Kimge beresiń? - dedi.
Bala qysylyńqyrap turyp, jaıaý jylap turǵan jarlynyń balasyn kórsetti. Buǵan ákesi de túsinip, betinen súıip:
- Taıyńdy kimge berseń de erik ózińde,- dedi.
Sonan soń Baıuly qýanyp, taıdy erttetip, manaǵy balaǵa ákep berip, qasyna ertip aldy da, shaýyp kep, kóp balaǵa qosyldy. Sol ýakytta bir aksaqal jaqsy kisi qonaq bolyp jatyr eken, Baıulynyn álgi myrzalyǵyn kórip, razy bolyp, syrtynan bata berdi:
- Eı, qudaıym, bul balaǵa uzaq jas ber, mal men bas ber.- dep. Sol kisiniń batasy qabyl bolyp, aqyrynda Baıulynan on eki ul týyp, bári de asqan baı, rýǵa bas boldy. On eki ata Baıuly degen rý sonan boldy desedi.

---