InfoHub Logo

6 synyp
Sabaqtyń taqyryby: Berdibek Soqpaqbaevtyń “Meniń atym Qoja” povesinen úzindi (prezentasıasymen)
“Túbinde adam bolatyn bala”
Sabaqtyń maqsaty:
1) Bilimdilik: Poves boıynsha oqýshylardyń bilimin tıanaqtaý, Qoja beınesine taldaý jasap, óz oıyn júıeli jetkize alýǵa úıretý.
2) Damytýshylyq: a) Oqýshylardy óz oıyn ashyq aıta bilýge, kórkemdep erkin sóıleýge daǵdylandyrý;
á) Oı órisi men dúnıetanymyn keńeıtý, sabaqqa qyzyǵýshylyǵyn oıatý.
3) Tárbıelik: a) Sypaıylyqqa, ustamdylyqqa tárbıeleý jáne qarsylyqqa daý kótermeı sóıleý ádebin meńgertip, mádenıettilikke tárbıeleý;
á) Jaqsy men jamandy ajyrata bilýge daǵdylandyrý, keıipkerler boıyndaǵy jaqsy qasıetterdi úlgi etý.
Sabaqtyń kórnekiligi: Interaktıvti taqta, elektrondy oqýlyq, kespe qaǵazdar
Sabaqtyń túri: Aralas sabaq
Sabaqtyń ádisi: Suraq - jaýap, pikirtalas, toptap tapsyrma berý

Sabaqtyń barysy:
İ. Uıymdastyrý kezeńi
(Oqýshylardy túgeldeý, oqýshylar nazaryn
sabaqqa aýdarý).
İİ. Úı tapsyrmasyn suraý.
1) Mynaý kim?
2) Qaı sát beınelengen?
İİİ. Jańa sabaq: “ Túbinde adam bolatyn bala ”
1) Qoja men Jantas beınesi
2) Bilgen saıyn keledi bile bergim
İV. Sabaqty bekitý
(Ne úırendim, ne bildim?)
V. Sabaqty qorytyndylaý
(Baqytty balalyq shaq)
Vİ. Oqýshylardy baǵalaý
Vİİ. Úıge tapsyrma

Úı tapsyrmasyn suraý “Mynaý kim?” (Portretteri kórsetiledi)
Bireýdi bireýge atystyryp, ot tastap júretin qý, sabaq ústinde sybyrlap, sypsyńdaǵysh. (Jantas)
- Men oqýlyq emes, qant alamyn. Sizdiń ne sharýańyz bar, qoıa berińiz. (Qoja)
Biz ekeýmiz tanys shyǵarmyz deımin. (Maıqanova apaı)
Múmkin ornyńa baryp aıtatyn shyǵarsyń? (Anfısa Mıhaılovna)
Men seniń ákeńe qaryzdar adammyn. Meniń moınymda onyń tıyny emes, teńgesi emes, baqandaı bir qarasy júr. (Sáıbek qart)
Sen oqýdy tastasań, maǵan ilesip tastady dep ekeýimizdi birdeı qýdalap pále qylady. Oqı ber. Oqýdyń túbine sen - aq jet. Múmkin keıin dyrdaı bastyqtyń biri bolyp shyǵarsyń. Sonda maǵan shapaǵatyń tıer. (Sultan)

Qaı sát beınelengen?
1. “Tóbemnen shatyr etip, jaı túskendeı boldy. Ne isterimdi bilmegen meńireý halde ornymnan súıretilip túregele berdim. Mańdaıymnan burq etip, sýyq terim shyǵyp ketti. Oh, shirkin - aı!

2. “Esikti asha bergenimde, tynysym múlde bitip, júregimniń soǵýy toqtap qalǵandaı boldy. Sol kezdegi kelbetim kóldeneń kózge tiri arýaq tárizdi qybyrlaǵan birdeńege uqsar deımin.”
3. “Mańdaıdan býym burqyrap esik aldyna shyqtym. Sáıbek ata kórinbeıdi. Omyraýymdy aǵytyp, jelpinip, oılanyp turmyn.
“Ne dep shesher eken? Mektepten shynymen - aq shyǵara ma?”

Jańa sabaq
Qoja men Jantas beınelerine taldaý

1. Lagerge joldama bermegeni úshin Maıqanova apaıdy renjitken Qojanyń isine qalaı qaraısyń?
2. Oqýlyq alý úshin muǵalimdi aldaǵany durys pa?
3. “Bir sekýndqa kidirip, murnymdy kókke shúıirip, mańǵazdana qaldym da, qolymdy keýdeme qoıyp, tájim ettim. Munym balalardyń qurmetine sypaıygershilikpen qaıtarylǵan jaýap boldy da shyqty. Balalar dý kúlip jiberdi.” Qoja qandaı bala?
4. “Qysqy keshti” jattamaǵan Jantas ne istedi? Onysyn qalaı baǵalaısyń?
5. “Qysqy keshti” jattamaǵan Qoja qandaı kúıde boldy?
6. - Qara Kóje mynanyń ne ekenin bilesiń be? Biz lagerge baratyn boldyq. Al sen kóshedegi ıtterdi tártipke salýǵa aýylda qalatyn boldyń. Osy sózderimen Jantastyń qandaı sıpaty kórinedi?
7. - Bul kim?
- Men ǵoı, ata. Men Qojamyn.
- Munda neǵyp otyrsyń?
- Pedsovetke keldim.
- Onda seniń ne sharýań bar?
- Men jóninde másele qarap jatyr.
- Seni muǵalim etemiz deı me?
- Dırektor etemiz deıdi.
Qoja qandaı bala?
8. – Mama! Sen jylap jatyrmysyń? Mamataı qoıshy! Eń sońǵy ret keshirshi! Ant etemin! – dep, Qoja mamasynyń tizesin qushaqtaı jyǵylǵan qalpynda jylap jiberdi. Qoja qandaı bala?
9. Qojanyń qupıa keńes ashyp, túzý jolǵa túsemin dep, ózine - ózi sert berýi onyń qandaı bala ekendigin kórsetedi?

Oı tastaý
Qalaı oılaısyzdar, ádepti jolǵa túsýine ne sebepker boldy? Anasyn aıaýy ma, Sáıbek qart, Ospanovtar aıtqan estelikter me, Maıqanovanyń pedkeńesten shyǵyp bara jatyp aıtqan sózi me?

Venn dıagramsy
Qoja jaqsy bala
Qoja jaman bala

QAÝLY
Qadyrov Qojanyń jeke bas tártibine baılanysty máseleni talqylaı kep, qupıa keńes mynadaı qaýly alady:
Birinshi. Tártipsizdik kisini jeksuryn kórsetedi eken. Ári bul adamnyń keleshegi úshin zıan. Tártipsiz bolsań, komsomolǵa da almaı qoıýy múmkin. Sondyqtan qalaı etkende de tártipti bolýym kerek. Ol úshin:
a) Budan bylaı eshkimge tıispeı jaıyma júremin. Dosym bolsyn, qasym bolsyn, beıbit qatar ómir súrýge tyrysamyn.
Eskertý. Eger tıisýshi men bolmaı, oǵan: “Aýlaq júr. Jaqsylyq kórmeısiń” degen tárizdi eskertpeler jasaýym kerek. Onda da tyńdamaı basa kóktep kele jatsa, mundaı jaǵdaıda, qajet dep tapsam, qol da jumsaý arqyly qorǵanýǵa eriktimin dep sanaımyn.
á) Osydan bylaı eshqandaı tártipsiz, turpaıy sózdi aýzyma almaımyn. Úlkendi aǵa, kishini ini dep turam.
Ekinshi. Árbir tártipsizdik qylyǵym úshin der kezinde aıaýsyz jazalanyp turýym tıis. Jazanyń túri tómendegishe bolady:
a) Eger bireýge ózim tıisip shatassam, ol kúni bir mezgil as ishpeımin.
á) Bireýdi jazyqsyz tildeıtin bolsam, kezekti demalysymda eshqandaı qıa basyp shyqpaımyn, úıde otyramyn. Iaǵnı ózimdi - ózim úıge qamaımyn degen sóz.
b) Sabaq ústinde tynysh otyrmaǵandyqtan muǵalimnen eskertý estıtin bolsam, ol jolǵy úziliste tysqa shyqpaı, ornymda otyramyn.
v) Eger bireý - mireýdiń laq - qozysy, taýyq, qazy, ıti bizdiń úıdiń mańyna jolap ketse, aıamaı taspen uryp qýalaıtyn jynym bar. Almastyń qyzyl qorazyn sóıtip óltirip qoıdym. Bunym da jaramaıdy, jaı aıdap jiberýime de bolýshy edi ǵoı. Endigári bundaı qylyqtarym qaıtalansa, eki ret júgirip baryp kelem.
Úshinshi. Sultanmen dostyq qarym - qatynasym budan bylaı úziledi. Ol ekeýimizdiń sertimiz búginnen bastap kúshin joıady. O dúnıedegi qyzyl oshaq jaıyna keletin bolsaq,... Meni dozaq oty da seskendire almaıdy.
Tórtinshi.. Sabaqty jaqsy oqý – úlgili oqýshynyń birinshi belgisi. Men osy toqsannyń ishinde qalaı etkende de ozat oqýshylardyń qataryna qosylýym kerek. Ol úshin:
a) Sabaqtan bir saǵat ta sebepsiz qalmaımyn.
á) Úıge berilgen tapsyrmany mezgilinde oryndap otyramyn.
Besinshi. Joǵaryda qabyldanǵan mindettemelerdiń múltiksiz oryndalýyn qamtamasyz etý úshin kún saıyn uıyqtar aldynda ózime - ózim esep berip, jaqsy - jaman qylyqtarymdy osy dápterge jazyp otyramyn. Osy aıtylǵandardy júzege asyrý – men úshin uly syn.
Sergitý sáti
1. “Meniń atym Qojanyń” avtory. (Soqpaqbaev)
2. Zoologıa pániniń muǵalimi. (Ospanov)
3. Synyp jetekshisi. (Maıqanova)
4. Qoja jattamaı keletin óleń. (Qysqy kesh)
5. Qojanyń dosy. (Sultan)
6. Qojanyń anasy. (Mıllat)
7. Janar jattaýdan alǵan baǵasynyń oryssha ataýy? (Pát)
Kólemi jaǵynan áńgimeden uzaqtaý, oqıǵalary jınaqy, oqıǵa negizinen bir arnada óristeıtin, keıipkerler sany da kóp emes shyǵarmalar bar.
Baıandaý túrinde qara sózben jazylǵan oqıǵaly kórkem shyǵarmany poves deımiz.

Qoja rólinde – Nurlan Sanjar, “Qazaqfılm” ulttyq kompanıasynyń televızıalyq fılmder birlestiginiń redaktory, kınodramatýrg.
Sultan rólinde – M. Kókenov, áskerı jýrnalıs.
Janar rólinde – Gúlnar Qurabaeva. Energetıka ınjeneri.

Berdibek Soqpaqbaev beınesi umytylmaıdy. Ár adam shyǵarmasyn oqı otyryp, balalyq shaǵyna saıahat jasap, esine túsirip, kúlip alady. Narynqol topyraǵynan jaralyp, Han Táńiri baýraıynan qanat qaqqan Muqaǵalı men Berdibek talanttar tárbıeleıtin bir - bir mektepke aınalyp ketkeni aqıqat.
Laýla! Laýla jiger oty! Samǵa, samǵa qıal qush! Asyǵatynym da, ańsaıtynym da erteńgi bolashaǵym.

Sabaqty qorytyndylaý
Abdolla Qarsaqbaevtyń “Meniń atym Qoja” fılmi 1967 jyly Fransıanyń Kann qalasynda ótken dúnıejúzilik festıválda qazaq kınosynda tuńǵysh halyqaralyq júldege ıe boldy. 2000 jyly IýNESKO álemdik kınonyń júz jyldyǵynda fılmniń bir epızodyn alyp, odan poshta markasyn jasap shyǵardy. Bul qazaq kınosynyń orasan zor jeńisi.

Úıge tapsyrma
Balalar, biz Qojamen qoshtaspaımyz.
Qojanyń basynan ótken oqıǵalary sizderde de boldy ma? “Balalyq shaq” taqyrybynda shyǵarma jazý. Ashylmaı qalǵan bir beıne bar. Ol kim? Taýyp, taldap kelý.
Oqýshylardy baǵalaý