InfoHub Logo

Bes jyl buryn «Bolashaqpen» AQSH-qa baryp, keıin iz-túzsiz ketken otandasymyz Erjan Elikovtiń atynan áleýmettik jelide jazba paıda boldy dep habarlaıdy NUR.KZ portaly.

28 jastaǵy Erjan Elikovti ata-anasy shetelde habarsyz ketkesin izdep sabylyp júr. Al Facebook jelisinde jigittiń atynan ashylǵan paraqshada onyń elge oralǵysy kelmeıtini týraly jazba paıda boldy.

"Meniń esimim - Elikov Erjan. Men - 28 jastaǵy Qazaqstan azamatymyn. AQSH-ta qalýdy uıǵarǵan stıpendıanttardyń birimin... On jylymdy AQSH-ta bilimge sarp etken azamatpyn", - dep sózin bastady jigit 12 qazan kúni jarıa etken jazbada.

Erjan eline qaryzyn qaıtarýǵa ázir ekenin, tek ol úshin keı talaptary oryndalǵanyn qalaıtynyn alǵa tartty.

"Men eldegi eń tómen jalaqy mólsherin adamdy mazaq etetin 25 myń teńgeden 250 myń teńgege deıin kóterýin talap etemin... Oqýǵa ketken aqshany elge qaıtaramyn. Bul sondaı kóp aqsha emes, sebebi, ony AQSH-ta qoqys tazalaýshynyń ózi alty aıda taýyp bere alady. Tipti maǵan oqýǵa tólengen aqshadan kóbirek berýge de ázirmin. Ózimdi kináli sanamaımyn", - dep jalǵastyrdy ol.

Stýdent elimiz nege AQSH halqyndaı shalqyp turmaıdy degen saýal tatady.

"Biz neni durys istemeı otyrmyz? Meniń ata-anam ómir-baqı eńbektenip, ter tógip kelse de, aqpan aıynda araldarda demalyp kórgen emes... Biz nege nesıe tóleý úshin búıregimizdi satýǵa májbúrmiz, nege memlekettiń basy aýyrmaıtyn jaǵdaıy múshkil adamdarǵa jantalasyp qol ushyn sozyp otyramyz? Buǵan esh sebep joq bolyp shyqty", - dep túıindedi azamat.

Onyń oıynsha, AQSH nemese Eýropanyń kez-kelgeni eli sekildi Qazaqstannyń da shalqyp ómir súrýine eshqandaı kedergi joq.

"Men bul stıpendıany eńbegimmen ılenedim. Al bılikte otyrǵan adamdar, tipti jolaqysyna aqshany óz eńbegimen tapqan emes... Men óz eńbegimmen tapqan aqshamdy ıspandyq vıllalardaǵy jaryqqa nemese toıdaǵy Kane Ýestke berýge nıetti emespin", - dep renishin bildirdi stýdent.

---