InfoHub Logo

Búgin bizdiń úıde úlken qýanysh bar. Janna ekinshi klasqa kóshti. Jyl boıynda tórt ret aýyryp, oqýǵa bara almaı qalǵan edi. Soǵan qaramastan barlyq sabaqtan bestik baǵa alyp shyqty.

Biz úı ishi bolyp osy bir kishkene qýanyshymyzdy toıladyq. Jannany azdap kótermelep, maqtap ta qoıdyq.

— Tek tórt ret aýyryp qalǵanyń bolmasa, barlyq pándi beske tapsyrdyń. Jaraısyń, Jannajan, — dedim men.

Áke-sheshesiniń aıyryqsha meıirimine qýanyp otyrǵan Janna:

— Endi bir ret qalǵanymda, odan da bes alatyn edim, — dep jaýap berdi.

Bala túsinigi qandaı qyzyq deseńizshi!

---