Ekiniń biri
Qodar degen sińiri shyqqan qý kedeıdiń mańdaıynda eki aty bar eken. Qystaı minip, otyn tasyp, kóktemge salym ábden boldyrǵan soń, Qodar eki atyn jetelep, Myńǵyrǵan baı Qarynbaıǵa keledi. Qarynbaı jaılaýǵa kóshkeli jatyr eken.
— Erekshe kútim kerek etpes, kóp jylqyńyzdyń ishinde júre bersin. Shamaly semirip qaıtsyn, qys minýge jaramaı qalar, — deıdi Qodar.
Qarabaı álgi eki atty jylqysyna qosyp alyp, jaılaýǵa kóship ketedi. Jazdygúni eki at semirip, shıyrshyq atyp oınaı bastaıdy. Qarynbaı onyń birin ustatyp alady da, jylqyshylaryna jazdaı mingizip qoıady. Birin kúzdiń basynda soıyp alady.
Qońyr kúzde Qarynbaı qystaýǵa kóship keledi. Qodar attaryn alaıyn dep kelse, bir aty qabyrǵasy yrsıyp, yńyrshaǵy shyǵyp tur, kóktemgi qalpy, jazdaǵy ministen ońala almapty.
Ekinshi atyn Qarynbaı «ólip qaldy» depti.
Sonda álgi kóterem bolǵan atyn qamshynyń astyna alyp, Qarynbaıǵa estirte bylaı depti:
— Qarynbaı seni baqpady ma?
Jaılaý shóbi jaqpady ma?
Ekeý ediń, biriń qaıda?
Jazdaı alǵan shyryń qaıda?
Óziniń myńǵyrǵan malyna tımeı,
Jarlynyń jalǵyzyn kórgen Qarynbaı ma?
You Might Also Like
-
Búgin bizdiń úıde úlken qýanysh bar. Janna ekinshi klasqa kóshti. Jyl boıynda tórt ret aýyryp, oqýǵa bara almaı qalǵan edi. Soǵan qaramastan barlyq sabaqtan bestik baǵa alyp shyqty.
-
Ómir – bul aǵyn sý sekildi, bir orynda turmaıdy, ıaǵnı jyldar jyljyp, ýaqyt ótedi. Ýaqyt ótken saıyn qaı salada bolmasyn dúnıeniń bir jańalyǵy oryn alyp jatady. Sol jańalyqty tosyrqamaı, jaqsy...
