InfoHub Logo

QR BǴM 0-synyptarda oqýshylardy pılottyq oqytý boıynsha qosymsha túsindirme berdi.

0-synyptardy engizý eshqandaı da jańalyq emes. Elimizde mektep pen mektepke deıingi uıymdarda mektepaldy daıyndyq toptary nysanynda 0- synyptar osy ýaqytqa deıin jumys istep keldi. Mektepaldy daıyndyq toptarynda balalar ata-analardyń qalaýy boıynsha 5 nemese 6 jastan bastap oqydy. Bul ózgerissiz qalady.

2016 jyldan 1-synyp oqýshylary biryńǵaı oqý baǵdarlamasy, biryńǵaı bazalyq oqýlyqtarmen bilim aldy. Ata-analardyń pikirinshe, mektepaldy daıyndyq tobyndaǵy (0-synyp) balalar da osylaı biryńǵaı oqý baǵdarlamalarymen oqytylýy qajet.

Sebebi, mektepaldy daıyndyq tobynda (0-synyp) biryńǵaı oqý baǵdarlamalarymen jáne biryńǵaı bazalyq oqýlyqtarmen oqymaǵan balalarǵa 1-synypqa kelgende biryńǵaı oqý baǵdarlamalaryn ıgerý qıyndyq týdyrady.

Áli kúnge deıin 1-synypqa kelgen balalardyń bilim deńgeıinde sáıkessizdik baıqalady. Keıbiri kitapty erkin oqı alady, sandardy quraı jáne sanaı alsa, al keıbiri tek birqatar áripti ǵana biledi. Balalardyń bir deńgeıde daıyndalmaýy saldarynan bilim sapasynyń tómendeýi jáne oqý prosesiniń júıesizdigine alyp keledi. Bul degen bir bala oqý materıaldaryn jaı qabyldaı bastasa, keı balalardyń ishi pysa bastaıdy.

Osyǵan baılanysty mektepaldy daıyndyq tobyn 0-synyptarda daıyndaý máselesi ata-analar men muǵalimder úshin óte mańyzdy bolyp tur.

Elimiz boıynsha 2019 jyldyń qyrkúıek aıynan bastap 0-synyptarǵa mektepaldy daıyndyqtyń biryńǵaı oqý baǵdarlamasyn engizý josparlanýda. QR BǴM 2017 jyldan bastap pılottyq joba aıasynda elimizdegi mektepaldy daıyndyq toptaryna, bilim mekemelerindegi mektepaldy daıyndyqqa (0-synyp) biryńǵaı oqý baǵdarlamalary men biryńǵaı bazalyq oqýlyqtardy engizý josparlanýda.

Bilim salasyndaǵy tájirıbeli pedagogtar men ǵalymdardyń pikirlerinshe, mektepaldy daıyndyqtan bastap balalar «Álippeni» («Býkvar») meńgerýleri qajet.

5-6 jastaǵy balalarǵa  úshin «Álippeni» («Býkvar») úıretý júktemesi qazirgideı úsh aıdyń ǵana kóleminde júrgizilmeı, oqý jyly barysynda meńgerýge baǵyttalatyn bolady. Balalar áripterdi tanýǵa, býyndap oqýǵa, tyńdalǵan dybystyq sózderge taldaý jasaýǵa úırenetin bolady.

1-synyptan bastap jazýǵa úıretý bastalady. Óıtkeni 5-6 jastaǵy balalardyń usaq motorıkalardy jazý úshin jetkilikti deńgeıde damymaǵan.

Halyqaralyq tájirıbelerdi zerttep, bul elderdiń de osy joldy tańdaǵandaryn kórýge bolady. Mysaly, Belarýsıada «Álippe» 2-5 jastaǵy bóbekter úshin shyǵarylǵan. «Álippeniń» ereksheligi - árbir áripke sáıkesinshe qaıtalanbas obrazdar berilgen, osyǵan oraı balalar áripterdi yntasymen úırenip, ózara uqsas áripterdi almastyryp almaıdy. Reseıde mektepke deıingi jastaǵy balalar úshin elektrondy «Álippe» jasalǵan. Balalar daýysty jáne daýyssyz dybystar men ekpindermen, býyndarmen jáne sóz tirkesterimen oıyn túrinde tanysady.

Qazirgi tańda QR BǴM 5-6 jastaǵy mektepaldy daıyndyq balalary úshin ınteraktıvti tehnologıalar negizinde balalardyń qabyldaýyna yńǵaıly «Álippe» («Býkvar») oqýlyǵyn ázirleýdi bastady.

---