Bilikti ustaz daıarlaý isine aıryqsha mán berip otyrmyz - QR Prezıdenti
Prezıdent Qasym-Jomart Toqaevtyń Respýblıkalyq pedagogter sezindegi baıandamasy bastaldy.
«Barshańyzdy Respýblıkalyq pedagogter seziniń ashylýymen quttyqtaımyn. Ustazdar kúni qutty bolsyn! Búgin, shyn máninde, óte mańyzdy jıyn. Sebebi ustaz – eń aldymen, qadirli maman. Al, ustaz bolý – qasterli mindet.
Búginde elimizdiń bolashaǵy jarqyn bolyp, damyǵan memleketke aınalýy úshin muǵalimder qaýymy aıanbaı eńbek etip júr. Jalpy, kim-kimniń de jaqsy adam, myqty maman bolýy ustazyna baılanysty.
Ahmet Baıtursynuly «Biz eldi túzeýdi bala oqytý isin túzeýden bastaýymyz kerek» degen. Ult ustazynyń bul sózi qashanda oryndy. Bilim men ǵylym – tabysqa jetýdiń eń basty kilti. Óskeleń urpaqqa taǵylymdy tárbıe jáne ozyq bilim berý – óte mańyzdy mindet», - dedi QR Prezıdenti.
Sondaı-aq, bizdiń memleket eń aldymen, bilikti ustaz daıarlaý isine aıryqsha mán berip otyrǵanyn atp ótti.
«Meniń bastamammen 2019 jyly «Pedagog mártebesi týraly» jeke Zań qabyldandy. Sońǵy tórt jylda ustazdardyń jalaqysy 2 ese ósti. Jaqynda balabaqsha tárbıeshileriniń aılyǵy 30 paıyzǵa kóbeıdi. Ustazdardyń eńbek demalysy uzartyldy.
Muǵalimniń mindetine kirmeıtin artyq jumystyń bári alynyp tastaldy. Ustazdardyń kásibı biliktiligin arttyrý máselesine basa mán berilip jatyr. «Bolashaq» baǵdarlamasymen úsh jylda 220-ǵa jýyq pedagog shetelde oqyp keldi. Muǵalim mamandyǵyn tańdaǵan jastarǵa qoıylatyn talap kúsheıdi. Osy saladaǵy stýdentterdiń stıpendıasy 2,5 ese kóbeıdi.
Bir sózben aıtqanda, biz, eń aldymen, bilikti ustaz daıarlaý isine aıryqsha mán berip otyrmyz», - dedi Memleket basshysy.
You Might Also Like
-
Bıyl alǵash ret Muǵalimder kúni merekesi 5 qazanda merekelenedi. Tıisti qaýlyny QR Úkimeti bıyl 10 naýryzda qabyldaǵan bolatyn.
-
Bir kúni Syrymnyń kele jatqanyn kórip, kútinip turǵan qudaǵılary kóz kórim jerden aldynan shyǵady, qudaǵı hanym tájim etip sálem berip, Syrymnyń atynyń shylbyrynan ustap, ordaǵa qaraı jetekteı bergen...
