InfoHub Logo

Matematıka (2 cynyp)
Sabaqtyń taqyryby: Bilim deńgeılerin tekserý
Sabaqtyń maqsaty:
1) Bilimdilik: Alǵan bilimderin qorytyndylaý, ótilgen materıaldardy júıeleý.
Syıymdylyq, uzyndyq ólshem birlikteri, aqsha birlikteri týraly bilimderin jetildirý.
2) Damytýshylyq: Oqýshylardyń oı - órisin, sózdik qoryn, til baılyǵyn damytý. Óz betinshe jumys isteýge daǵdylandyrý.
3) Tárbıelik: Oqýshylardy uıymshyldyqqa, bir - biriniń pikirin tyńdaýǵa, uqypty, taza jazýǵa tárbıeleý.
Sabaqtyń túri: Saıys sabaq
Ádisi: Toptastyrý, túsindirý, suraq - jaýap, oıyn.
Sabaqtyń kórnekiligi: Kórnekilikter: Jumbaqtar, sózjumbaqtar, syzbalar, beıneli sýretter, shyǵarmashylyq jumys, geometrıalyq fıgýra.
Pán aralyq baılanys: Dúnıetaný. Ózin - ózi taný. Ana tili. Qazaq tili.

Sabaqtyń júrý barysy:
I Uıymdastyrý bólimi
1) Psıhologıalyq daıyndyq
Tereń ǵylym sananyń,
Tegi dep oı salatyn.
Óte jaqsy oqımyz,
Matematıka sabaǵyn.
2) Oqýshylardy topqa bólinip urandarymen tanystyrdym. Ádettegideı sabaǵymyz top arasynda saıys retinde ótetinin bolǵandyqtan, onda belsendilik kórsetken topqa da, ár oqýshyǵa da juldyzshalar berilip marapattalatynyn aıttym

I – top
Tapqyrlar: İlimi bardyń bilimi bar
II – top
Oıshyldar - Oqyǵannyń oıy ozyq
III - top
Alǵyrlar: Bilimdi myńdy jyǵady,
Bilekti birdi jyǵady.

II. Ótilgen taqyryptardy eske túsirý maqsatynda «Shıratý» suraq - jaýap oıyny oınatyldy. degen suraqtar qoıa otyryp, oqýshylardyń oılaryn jınaqtap aldym. Jaqsy qatysqan topqa, ár toptan óte jaqsy jaýap bergen oqýshylar tıisti juldyzshalaryn aldy.

III Jańa sabaq
1) Oqýlyqpen jumys №1
Berilgen sandardyń quramyn taýyp 3 top aýyzsha oryndaıdy. (Bul saıysta óte jyldam oryndaǵan Alǵyrlar toby 1 juldyzsha aldy, durys jaýap bergen jeke oqýshylarda tıisti juldyzshalaryn aldy)

2. Sózjumbaq sheshý «Metr»
1. Tik tórtburyshtyń qabyrǵalarynyń qosyndysy?
2. Túk bilmeı barasyń,
Tálimin alasyń.
Eseıip ketseń de,
Qaryz bolyp qalasyń.
3. Eń úlken salmaq ólshem birligi?
4. Syıymdylyq ólshem birligi?
«Metr»- sózi shyǵady. Endi osy jerde uzyndyq ólshem birlikteri týraly qysqasha maǵlumat berdim. Buryn osy metrlikter ıaǵnı birlikter bolmaǵanda ata -
babalarymyz qolymyzdaǵy saýsaqtardy, shyntaq, qoltyq, taban, aıaq adymyn t. b. paıdalanyp esepteıtin bolǵan.

3) Osy kóne uzyndyq ólshem birlikter baılanysty.
I - top Qarys Tapqyrlar
II - top Qulash Oıshyldar
III - top Adym Alǵyrlar sózdiń maǵynasyn túsindirý oılaýǵa 1 mınýt
I - top «Qarys» - Bas barmaq pen shynashaqtyń aralyq mólsheri.
II - top «Qulash» Iyq deńgeıinde kere sozylǵan eki qol ushynyń arasy
III - top «Adym» Bilý úshin shyraǵym,
Bilmegendi suraǵyn.
Bir attasań aldyǵa,
Sol bolady bir adym.
Adym - júrý kezindegi eki aıaqtyń aralyq uzyndyǵy (qadam)
/Durys ári birinshi túsindirgen topty marapattadym/

4) Endi osy uzyndyq ólshem birlikterine baılanysty berilgen №3 mazmundy esepti oryndaımyz
Sharty: Terek - 15 m
Úıeńki -? 5 m alasa
Sheshýi: 15 - 5=10
Jaýaby: 10 m
/Vatman qaǵazyna ár top oryndap, túsindiredi/ Baǵalaý.
5) Osy sýretten biz qaı mezgildi baıqap otyrmyz. Endeshe «Kúz» týraly ne bilemiz? Oıymyzdy ortaǵa salaıyq. (Oqýshylar kúz týraly óz oılaryn aıtty).

6) Aýa - raıyndaǵy bolatyn ózgeristerdi ata - babalarymyz tabıǵatqa, ańdar, úı janýarlary qustarǵa qarap boljaıtyn bolǵan.
Mysaly: • Qus júnin úrpıtse - jańbyr jaýady, aýa raıy ózgeredi.
• Sary shymshyq ysqyrsa - shynymen kúz bolǵany.
• Shymshyq uıa salsa - qys qatty bolady.
• Qarlyǵash joǵary ushsa, kún jyly bolady, al tómen ushsa jańbyr jaýady

7) Endeshe osy qustarǵa baılanysty mynandaı sergitý sátin oryndaı qoıaıyq.
Kúnge qoldy sozamyz,
Qanat qaǵyp ushamyz.
Qarlyǵashtaı qalyqtap,
Kógershin bolyp qonamyz.

8) Osy qustar qanatyna baılanysty bizdiń ata - babalarymyzdyń ulttyq oıý órnegi bar,
káne myna geometrıalyq fıgýralardy paıdalanyp «Qusqanaty» oıýyn qurastyra
qoıaıyq.
Shyǵarmashylyq tapsyrma Qus qanaty (Birinshi qatesiz, jyldam oryndaǵan topty marapattaý, ıaǵnı Oıshyldar men Alǵyrlar toby durys oryndap bir - bir juldyzshadan aldy. Al, Tapqyrlar toby qustyń qanatyn qate ornalastyrǵandyqtan olar upaı alǵan joq)

9)- Oqýshylar, biz kúz mezgilindegi úsh aıdyń ataýlaryn taǵyda qalaı ataımyz?
Qyrkúıek - Erte kúz
Qazan - Altyn kúz
Qarasha - Qara kúz dep ataǵan eken.
Endeshe osy qazan, qarasha, aılaryna baılanysty berilgen oqýlyǵymyzdaǵy №4 esepti oryndaımyz.
I - top oqýlyqtaǵy berilgen boıynsha esep qurastyrady.
II - top keri esepter qurady.
III - top keri esep qurady.
10) Jumbaq sheshý.
Qysta ǵana bolady,
ustasań qolyn tońady (qar)
Qoly joq sýret salady,
Tisi joq tistep alady. (aıaz)
Qanaty joq ushady,
Aıaǵy joq jeledi,
Aýyzy joq ulıdy (boran)

11) Qys týraly oqýlyqta berilgen qysqasha jazylýy boıynsha esep qurastyrý.
12) Bilgenge marjan
Ár topqa 5 suraqtan qoıyp, oılaryn jınaqtap durys jaýap bergen jeke oqýshyny, topty marapattadym.

13) Dáptermen jumys Salystyrý №6
I - top ------------------------ II – top ----------------------- III - top
6kg+6kg*13kg -------------- 12kg - 7kg*5kg --------------- 9kg+7kg - 8kg+8kg
10l+20l*30l ------------- 50l - 30l*100l - 10l ------- 40l - 10l*100l - 40l

14) Qorytyndylaý
Oıyn «Asyq»
Ótilgen taqyryptar boıynsha ár toptan bir - bir oqýshydan shyǵyp qorjyndaǵy asyqtardy sýyra otyryp, onda berilgen suraqtarǵa jaýap berdi.
1. 1dm neshe sm bar?
2. 2 núkteni qossa ne shyǵady?
3. Barlyq satyp alynǵan zattar baǵasynyń qosyndysy qalaı atalady?
4. Qazaqstannyń aqshasy qalaı atalady?
5. Eń úlken eki tańbaly san?
6. 1 aptada neshe kún bar?
15) Úıge tapsyrma:

16) Baǵalaý
17) Aspanymyz ashyq, kúnimiz jarqyn bolsyn dep taqtada ilingen kún beınesiniń aınalasyna oqýshylar bir - birine qaǵazǵa tilekterin, sabaqtan alǵan áserlerin jazdy.
Jannet - Bizdiń top jeńdi. Men tobymdy maqtan etemin!
Azamat - Tapqyrlar jeńdi. Matematıka sabaǵy qatty jaqsy kóremin!
T. Madına - Biz kúnde oıyn oınaǵanda jeńiske jetemiz. Oıshyldar toby alǵa!
Araı - Oıshyldar toby alǵa. Bul sabaqqa Amır men Madına jaqsy qatysty.
Alına - Maǵan búgingi sabaq óte qatty unady. Búgin bizderge jarys ótkizdi. Biz ekinshi oryn aldyq. Tapqyrlar jaraısyńdar! t. b.