InfoHub Logo

(Ana tili páni boıynsha)
Taqyryby: Elimizdiń Memlekettik rámizderi
Sabaqtyń mazmunyna baılanysty mindet:
Maqsaty:
1. Bilimdilik: Oqýshylardyń asa mańyzdy memlekettik belgiler - rámizder jónindegi bilimderin jan - jaqty sarapqa salady, olar memlekettik belgilerdiń asa mańyzdy ekenin uǵynady, ony erekshe qurmettep, maqtan tutý kerektigin sezinedi.
2. Tárbıelik: Otanshyldyq, ultjandylyqqa, óz elin, tegin, tarıhyn súıýge tárbıelenedi.
Mátinniń mazmunyna baılanysty óleń, maqal - mátelder aıtyp, oı bólise alady.
Uǵymtaldyqqa, uıymshyldyqqa, zeıin qoıa bilýge, óz pikirin dáleldeı bilýge úırenedi.
STO - ǵa baılanysty mindet: Negizgi máseleni jeke, juppen, toppen anyqtaı alady.
3. Damytýshylyq: Oı - órisi, tanymdyq qabileti, jeke dara tulǵa retinde damıdy.
Kórnekiligi: ınteraktıvti taqta, sýretter, paraqshalar.
Pán aralyq baılanys: án - áýez, beıneleý.
Sabaq túri: Jańa sabaq
Sabaq ádisi: Syn turǵysynan oılaý strategıasy. «Toptastyrý» strategıasy «Oı qozǵaý» strategıasy «Bir aınalym sóılesý» strategıasy «Kýbızm» strategıasy.

Sabaqtyń barysy:
Uıymdastyrý bólimi
1. Amandasý, oqýshylardy túgendeý, oqýshylardy sabaqqa daıarlaý.

2. Psıhologıalyq daıyndyq..
Senderdi ómirde ne tańǵaldyrady? Tańǵalatyn jaıttar bizge jıi kezdesedi. Al men kúnge tańǵalamyn. Óıtkeni ol naǵyz sıqyrshy sıaqty, jyly ári meıirimmen sálemdese biledi. Kúnge qoldaryńdy sozyńdar. Kúnniń jomart sáýleleri ananyń názik qoldary sıaqty aıalaıdy, sıpalaıdy, jylytady. Sıqyrly kún barlyq ókpe men men muńdy eritip jiberedi. Júregimizdi jylý men mahabbatqa toltyrady.
Barlyǵy taqtadaǵy kúnge qarap óleńdi oqıdy.

Kún jaryǵyn alaqanǵa salamyn,
Júregime basyp ustaı qalamyn.
İzgi ári názik, jaryq, meıirimdi,
Bolyp keter sonda dereý jan - jaǵym.
- Mine, júregimizdegi osyndaı jylýmen sabaǵymyzdy bastaımyz.
Úı tapsyrmasyn tekserý
Ár topqa «Astana» mátinin mazmundatý. Esse oqý.
Qyzyǵýshylyqty oıatý
- Sonymen bizder qandaı memlekette turyp jatyrmyz?
- Qazaqstan Respýblıkasynyń astanasy qaı qala?
- Qaı jyly Astananyń mereı toıy ataldy?
- Endeshe balalar bárimiz myna sózjumbaqqa kóńil aýdaraıyq

«Oı qozǵaý» strategıasy
Sózjumbaq sheshý
«RÁMİZDER»
1. Astanadaǵy bıik munara
2. Iýnesko Astanaǵa qandaı qala ataǵyn berdi?
3. Qazaqstannyń jer asty baılyǵy..
4. Astana qalasyndaǵy ózen..
5. Maǵjannyń alǵashqy ustazy..
6. Abaıdyń ájesi..
7. Qazaq dalasynyń alǵash mektep ashqan aǵartýshy..
8. Qazaqstan Respýblıkasy qandaı memleket?

Maǵynany taný
- Qandaı sóz shyqty?
Endeshe búgingi jańa sabaǵymyzdyń taqyryby: «Elimizdiń memlekettik rámizderi»
- Rámiz degendi qalaı túsinesińder?
«Toptastyrý» strategıasy
TOPPEN JUMYS
Ár top ınteraktıvti taqtaǵa shyǵyp aldyn - ala daıyndalǵan sýrettermen baılanystyra otyryp jumystaryn qorǵaıdy.
SLAID

İ - top jumysyn qorǵaıdy
Tý - biryńǵaı kógildir tús. Bul tús tóbedegi ashyq aspandy elestetedi. Bultsyz aspan beıbitshilik, tynyshtyq pen jaqsylyq nyshany Kók tús – qazaq halqynyń birlik yntymaq jolynda adaldyǵyn bildiredi. Nurǵa malynǵan altyn kún - tynyshtyq pen baılyqty beıneleıdi. Kún qozǵalys, damý, ósip - órkendeýdiń beınesi. Qanatyn jaıǵan qyran qus - eldiń erkindik súıgish asqaq rýhyn, qazaq halqynyń jan dúnıesiniń keńdigin jarıa etedi. Aǵash sabyna bekitilgen tustaǵy tik jolaq - ulttyq oıýlarmen órnektelgen. Qazaqstan Respýblıkasy memleketi týynyń avtory: Sháken Ońdasynuly Nıazbekov.

Avtorǵa sóz berý
Aldyn - ala daıyndalǵan avtor sózin dıktafonnan tyńdatý.
Jańa tý qalaı jasaldy? Qazaqstan Respýblıkasy óz táýelsizdiginiń merekesine oraı ulttyq nyshanymyz - Memlekettik týdyń avtory Sháken Ońlasynuly Nıazbekov bylaı dedi: « Memlekettik týǵa arnalǵan baıqaýǵa 600 - den astam joba tústi. İrikteýden ótken eń sońǵy 4 joba komısıanyń sheshimimen Joǵarǵy keńestiń talqysyna usynyldy. Baıqaýdyń aıaqtalýyna 3 kún qalǵanda jańa tý jobasyn jasaýǵa kiristim. Sebebi, aldyńǵy jasaǵan jobalaryma kóńilim tolmaǵan - dy. Sonymen, sońǵy jasaǵan joba jurtshylyqtyń kóńilinen shyǵyp, memleketimizdiń tól týyna aınaldy. Qazaqstan týy halyqaralyq jıyndarmen bas qosýlarda, Respýblıka prezıdentiniń shet elge shyqqan saparynda kóterilgen saıyn meni « bizdiń qazaq halqynyń týy» degen maqtanysh sezim bıleıdi..

İİ - top jumysyn qorǵaıdy
QAZAQSTAN RESPÝBLIKASYNYŃ MEMLEKETTİK ELTAŃBASY
– Qazaqstan Respýblıkasynyń negizgi memlekettik rámizderiniń biri. QR Prezıdentiniń «Qazaqstan Respýblıkasynyń Memlekettik rámizderi týraly» Konstıtýsıalyq Zań kúshi bar Jarlyǵymen (1996) belgilengen. Rámizdik turǵydan QR memlekettik Eltańbasynyń negizi – shańyraq. Ol – Eltańbanyń júregi. Shańyraq – memlekettiń túp negizi – otbasynyń negizi. Shańyraq – Kún sheńberi. Aınalǵan kún sheńberiniń qozǵalystaǵy sýreti ispetti. Shańyraq – kıiz úıdiń kúmbezi, kóshpeli túrkiler úshin úıdiń, oshaqtyń, otbasynyń beınesi. Tulpar – dala dúldili, er - azamattyń sáıgúligi, jeldeı esken júırik aty, jeńiske degen jasymas jigerdiń, qajymas qaırattyń, muqalmas qajyrdyń, táýelsizdikke, bostandyqqa umtylǵan qulshynystyń beınesi. Qanatty tulpar – qazaq poezıasynda keń taraǵan beıne. Ol ushqyr armannyń, samǵaǵan tańǵajaıyp jasampazdyq qıaldyń, talmas talaptyń, asyl murattyń, jaqsylyqqa qushtarlyqtyń keıpi. Qanatty Tulpar Ýaqyt pen Keńistikti biriktiredi. Ol ólmes ómirdiń beınesi. Bir shańyraqtyń astynda tatý - tátti ómir súretin Qazaqstan halqynyń ósip - órkendeýin, rýhanı baılyǵyn, san syrly, alýan qyrly bet - beınesin pash etedi. Bes buryshty juldyz Eltańbanyń táji ispetti. Árbir adamnyń jol nusqaıtyn jaryq juldyzy bar. Qazaqstan Respýblıkasy memlekettik Eltańbasynyń avtorlary – J. Málibekov pen Sh. Ýálıhanov.

«JAŃǴYRYQ» OIYNY «PYRAQ»
«Pyraq» sózin qaıtalap aıtý arqyly sózdik qorǵa qosý

İİİ - top jumysyn qorǵaıdy.
Ánuran mátininde ǵasyrlar boıy táýelsizdik úshin kúresken babalar erligi kórsetilgen. Ekinshiden sol ata - babalardan qalǵan asyl muramyz - jerimizdiń keń - baıtaqtyǵy oryn alǵan. Úshinshiden, elimiz ben jerimizdiń baılyǵy bizdiń urpaqtarymyzdyń bolashaǵyna jarqyn jol ashatyny da aıqyn kórinis tapqan. Eń bastysy, bizdiń táýelsizdigimizdiń altyn dińgegi - el birligi basa kórsetilgen.

1992 - jyly 4 maýsymda egemen elimiz Qazaqstan Respýblıkasynyń rámizderin qabyldady
Keshe ǵana London jerinde ótken dúbirli oıynda Qazaqstan mártebesin otandas sportshylarymyz halqymyzdyń kóbin rýhtandyrdy Jat elde jalaýy jelbirep, Ánurany sharyqtap Qazaqstannyń osal el emestigin moıyndatty

OQÝLYQPEN JUMYS
Oqýshylar sýret boıynsha jumys júrgizedi.
Ánuran mánerlep oqý
Sergitý sáti «JASA QAZAQSTAN!» áýenine qımyldy bı
Dáptermen jumys
Eltańbanyń avtory: Jandarbek Málibekov
Shota – Aman Ýalıhanov
Ánurannyń avtory: Jumeken Nájimedenov
Nursultan Nazarbaev
Shámshi Qaldaıaqov

İÚ. Oı tolǵanys satysy. «Ádebıet úıirmesi» (oqýshylardy tórt topqa bólip, suraqtar qoıylady)
«Kýbızm» strategıasy
•Zertteýshi: RÁMİZDER QANDAI MAQSATTA JASALǴAN?
•Sóz tapqysh: Mátin mazmunyna baılanysty maqal - mátel aıtyp, dálelde.
•Suraq qoıýshy: Mátinge qatysty suraqtar daıynda.
•Beıneleýshi: «Meniń qıalymdaǵy rámiz» sýret salý.
Top pikiri tyńdalady. Búgingi sabaqta men neni bildim? Suraǵy tóńireginde oqýshy óz oıyn aıtady.

Úıge tapsyrma.
Mazmundaý. «Meniń elim» óleń qurý. Avtorlardy jattaý.
Oqýshy bilimi baǵalanady. Topty baǵalaý.
Óte jaqsy, jaqsy qanaǵattanarlyq
Jeke oqýshylardy baǵalaý
Gımn aıtý.