InfoHub Logo

Synyptan tys jumystyń taqyryby: Bilimdi synyp
Synyptan tys jumystyń maqsaty:
a) bilimdilik: oqýshylardyń matematıkadan bilimderin tereńdetý, oı - órisin keńeıtý, shyǵarmashylyq jáne óz betimen jumys isteý qabiletterin arttyrý.
á) damytýshylyq: oqýshylardyń pánge degen qyzyǵýshylyǵyn jáne bilim sapasyn arttyra otyryp, este saqtaý qabiletin damytý arqyly óz oıyn jetkize bilý daǵdysyn qalyptastyrý
b) tárbıelik: oqýshylardy alǵyrlyqqa, tapqyrlyqqa, shapshańdyqqa, izdenimpazdyqqa, uıymshyldyqqa tárbıeleý
Túri: toptyq saıys
Kórnekiligi: qabyrǵa gazetteri, emblemalar, geometrıalyq fıgýralar, matematıkaǵa baılanysty naqyl sózder.
Tehnıkalyq qural - jabdyq: ınterbelsendi taqta

Barysy: İ. Kirispe.
Muǵalimniń synyptan tys jumystyń maqsatymen jáne shartymen tanystyrýy.
1 – júrgizýshi:
Matematıka ǵylymdar patshasy dep,
Moıyndaǵan bar ǵylym jer sharynda.
Sol qaǵıda taǵy da dáleldenbek,
Búgingi saıysymyz barysynda.
2 – júrgizýshi:
Matematıka, matematıka qandaı qıyn,
Oqymasań sheshilmeıtin eshbir túıin.
Amaldardyń tek qana kómegimen,
Oryndalar sansyz kóp baılam túıin.
1 – júrgizýshi:
Sheberlikti, bilimdi,
Saraptap sizder kórińizder.
Ádilqazy alqasy
Ádil baǵa berińizder! - deı otyryp saıysymyzdyń aldynda saıyskerlerimizdiń bilimine baǵa beretin ádilqazylar alqasymen tanystyryp óteıik.
2 – júrgizýshi:
Sizder bul álemniń qanshalyqty qyzyqty, ári san túrli ekendigine kóz jetkizesizder. Saıysta sizderge ár túrli suraqtar men tapsyrmalar usynylady. Saıysta jeńý úshin sizder belsendilik tanytyp, berilgen suraqtarǵa ózgelerden tezirek oılanyp, jaýap berýlerińiz kerek jáne tapsyrmalardy durys oryndaýlaryńyz qajet. Baq pen bap synalar bul jarysqa qatysyp otyrǵan oqýshylarǵa sáttilik tileımiz.

İİ. Negizgi bólim.
1 – júrgizýshi:
Óz bilimimen, aqyl - oıymen erekshelengen ár synyptyń bilimdi oqýshylary
aldaryńyzda tur.
Tanystyryp toptaryn, urandaryn aıtady.
Kórermenge bildirip, ádil baǵa alady,- dep saıysymyzdy toptardyń ózderin tanystyrýynan bastaımyz.
Toptardyń ózderin tanystyrýy
1 top – «Tapqyrlar»
Urany: «Qandaı synaq bolsa daǵy berispe,
Árqashanda úmitkermiz jeńiske»
2 top – «Alǵyrlar»
Urany: «Jarys dese janamyz,
Búgingi kún jarysta alǵyrlyqpen alamyz»
3 top –«Oıshyldar»
Urany: «Bilekti myńdy jyǵady,
Bilimdi myńdy jyǵady»
4 top –«Daryndylar»
Urany:«Sharshy alańda múdirme
Kóp oılanyp, kidirme»
2 – júrgizýshi:
Bul báıge – oıdyń báıgesi
Kim júırik oıǵa, sol alda! – dep «Jaýabyń ázir me?» bóliminiń logıkalyq suraqtaryna kezek beremiz. (ınterbelsendi taqtadan kórsetiledi)
«Jaýabyń ázir me?» bóliminiń logıkalyq suraqtary
1 – topqa suraqtardy QR ulttyq testileý ortalyǵyna qarasty № 857 pýnktiniń ınjeneri R.Dúsembaeva qoıady.

1. Úsh almany eki ákesi men eki balasy qalaı bólip alady? ( ata, áke, bala bolsa)
2. 25 qaz ushyp bara jatty. Bir qazdy atyp tastady, qansha qaz qaldy? (1)
3. Qaı ýaqytta eki sannyń qosyndysy birinshi qosylǵyshqa teń bolady? (ekinshi qosylǵysh 0 bolsa)
4. Qaısysy úlken 2 m me, álde 198 sm me? (2 m)

2 – topqa suraqtardy daıyndaǵan Qyzylorda qalasy №233 orta mektebiniń qazaq tili men ádebıeti pánderiniń muǵalimi Á. Qalmahanova.

1. Qolymyzda 10 saýsaq bolsa, on qolda neshe saýsaq bar? (50)
2. Ústelde úsh staqan sút bar. Almas 1 staqan sútti iship qoıdy. Ústelde neshe staqan bar? (3)
3. Ústeldiń tórt buryshy bar. Eger bir buryshyn kesip tastasa, neshe burysh qalady? (5)
4. Bir januıadaǵy 5 uldyń bir - birden qaryndasy bar. Januıada barlyǵy qansha bala bar? (6 bala)

3 - topqa suraqtardy daıyndaǵan Qyzylorda oblysy Qarmaqshy aýdanyna qarasty №99 orta mektebiniń matematıka pániniń muǵalimi N. Tańjaryq.

1. Eki adam 4 saǵat shahmat oınady. Olardyń árqaısysy neshe saǵat oınady? (4 )
2. 9 lıtr jáne 5 lıtrlik ydyspen 3 lıtr sútti qalaı bólip alýǵa bolady?
3. Qatar turǵan úsh sannyń qosyndysy da, kóbeıtindisi de 6 - ǵa teń. Ol qandaı sandar? (1, 2, 3)
4. Túngi saǵat 11 - de jańbyr jaýsa, 48 saǵattan soń kún shyǵady deýge bola ma? (Joq, sebebi 48 saǵattan soń qaıtadan tún bolady)

4 - topqa suraqtardy daıyndaǵan Baıqońyr qalasy Q. Q. Toqmuhamedov atyndaǵy jalpy bilim beretin №14 orta mektebiniń 11 – synyp oqýshysy N. Igenbaev.

1. Jarasta 7 taıaqsha bar edi. Ol bireýin ekige bólip aldy. Jarasta neshe taıaqsha qaldy? (8)
2. Jumyrtqany qaınatýǵa 3 mınýt ketse, 5 jumyrtqany qaınatýǵa neshe mınýt kerek? (3mın)
3. Bólmede 4 mysyq otyr. Ár mysyqtyń aldynda 3 mysyq otyr. Bólmede barlyǵy neshe mysyq otyr? (4)
4. Eki aıaǵymen túregep turǵan adamnyń salmaǵy 50kg, bir aıaǵymen turǵan adamnyń salmaǵy neshe kg? (50 kg)