Jyqsań báıge alasyń alysqanda,
Qarý qyp, qaıratyń sap qarysqanda.
Jyndylyq - shappaı báıge ber dep suraý,
Ozsań, báıge kim bermes jarysqanda.

Turmysy búl dúnıeniń kúrespen teń,
Táýekel, kúreske tús, bar-daǵy jeń.
Dúnıede barlyǵyndy kim biledi,
Úıinde ynjyqtanyp otyrsań sen!

Kim seni bul dúnıede bar dep aıtar,
Kim saǵan jyqpaı báıge al dep aıtar?
Jyqpasań da kúresip talaptansań,
\"Eti tiri, jaýjúrek jan\" dep aıtar.

Júrgen kóp; \"jyǵylam\" dep úıde buǵyp,
Jel bol maı, boran bolmaı bet aldy yǵyp;
Qysqasy, ondyrmaǵan jasqanshaqtyq, —
Jasqanba, qylysh shapsa, naıza suǵyp!

---