InfoHub Logo

Keıbir adamdardy ''Bir kem dúnıe'' degen sózdi estigen kezde, birden aqshanyń azdyǵy, materıaldyq qundylyqtar men dúnıeniń tarshylyǵy alańdatady. Shynymdy aıtsam, bul sózdi men estigen kezde, kóz aldyma terezeniń aldynda jylap otyrǵan bala men balasynan aıyrylǵan ananyń zary sańylaýymdy jaryp ótkendeı sezimde bolamyn. Átteń, dúnıe ne bop ketti, halaıyq!?

Kóshede ketip bara jatqanda, múgedek adamdardy kórgende júregim qaq ortasynan qars aıyrylǵandaı bolady. Munyń bárin biz ózgerte almaımyz. Adamdardyń qalaı ómir súrýin men sheshpeımin. Óıtkeni ol meniń qolymda turǵan joq. Ehh, meniń qolymda bolsaa... Shirkin!

Al, bizdiń dene - múshemiz saý, otbasymyz, týǵan - týysymyz janymyzda bolsa da, áıteýir bir nárseni alańdaımyz da júremiz. Qýanyp júretin ýaqyttarymyz óte az eken. Osylaı júre bersek, qalǵan ómirdiń qyzyǵy nede? Ata - anam maǵan ''bir kem dúnıe'' degen ne ekenin de aıtpapty. Tipti jamandyq jaıly oılaýǵa da múmkindik bermegen eken. Bul dúnıeden tarshylyq kórip júrgen adamdardy ár jerden kórýge bolady. Al, múgedek, jetimderdiń júzinen eshqashan kúlki ketpeıdi. Olardyń muńaıǵanyn kórgen emespin. Keń dúnıeden kem dúnıe jasap otyrǵan ózimiz. Sondyqtan da, barǵa qanaǵat ete júreıik!

Turarhanova Ásel

---