InfoHub Logo

Bir aýylda asharshylyq bastalypty. Aýyl basshysy asharshylyqqa qarsy bir amal taýyp, shara qoldanbaq bolady. Ertesine aýyldyń qaq ortasyna taıqazan ornatady. Sol qazanǵa aýyl turǵyndaryna bir túnde bir keseden sút quıýdy ámir etipti. Bar bolǵany bir kese sút qana. Biraq, árkim ońasha, jeke dara kelip quıýyn talap etipti. Aýyl turǵyndary basshy buıryǵyn jappaı oryndaýǵa kirisip ketedi. Sol túnde-aq aı jaryǵymen, qazandy toltyryp tastaıdy.

Tańerteń, aýyl basshysy kelip qazannyń qaqpaǵyn ashyp qarasa... Sumdyq-aı! Óz kózine ózi sener emes. Adamdar sút emes qazandy sýǵa toltyryp ketipti. Sút qaıda? Nege aýyl adamdary sút ornyna sý quıǵan? Munysy nesi? Ásili, oqıǵa bylaı bolǵan edi. Qazanǵa sút quıýǵa barǵandar «Úlken taı qazanǵa eldiń bári sút quıyp jatqanda oǵan meniń bir kese quıǵan sýym áser ete qoımas» dep pendeshilik oıǵa barǵan edi. Osylaısha, barlyǵy da kópshilikke arqa súıep, bir kese sýda turǵan eshteńe joq dep nemquraılyq tanytqan edi. Biraq, dál osylaı túgel aýyl adamdary oılap, barlyǵy da qazandy sútke emes, sýǵa toltyrǵan bolatyn. Bul qıssany túıindeı kele aıtpaǵymyz, qoǵamda bolatyn keleńsizdikter ár adamnyń jaýapkershilikti sezinbeýi nemese jaǵdaıǵa nemquraıly qaraýynan kelip týyndaıdy. Qoǵamdy túzeý, bireýdi jónge salýdan emes árkim ózin túzeýden bastalsa kerek. Demek, árkim mindetin tolyqqandy atqarsa, qoǵam túzelmek.

---