InfoHub Logo

Sabaqtyń taqyryby: Biryńǵaı múshelerge, qaratpa sózderge jáne ońashalanǵan aıqyndaýyshqa baılanysty qoıylatyn tynys belgiler. Útir.
Sabaqtyń maqsaty:

1. Bilimdilik 2. Damytýshylyq 3. Tárbıelik
Oqýshylardyń útir qoıý jónindegi daǵdylaryn jetildirý, óz betimen jumys isteýge daǵdylandyrý. Sóılem quramyna kezdesetin tynys belgileriniń qyzmeti men qoldanylý orny, útir tynys belgisin qoıýda ustanatyn negizgi prınsıpterin oqyp - úırenýdiń jobasyn tutas qabyldaýǵa kómektesý. Útir qandaı oryndarda, ne úshin qoıylatyny, ony qoıý úshin tildik qandaı belgilerin bilý kerek ekenin túsindirý. Problemalyq jaǵdaılar men kúrdelilik deńgeıi artqan tapsyrmalardy sheshý kezinde derbes oılana alýdy damytýǵa jaǵdaı jasaý. Maqala arqyly tilge degen súıispenshiligin arttyrý, sózderdi oryndy qoldanýǵa, tıanaqtylyqqa tárbıeleý.
Sabaqtyń túri: dástúrli sabaq
Sabaqtyń ádis - tásilderi: suraq - jaýap, taldaý, baıandaý, túsindirý, s. t. o(synı turǵydan oılaý) strategıasy.
Sabaqtyń jabdyǵy: slaıd, ınteraktıvti taqta, kartochkalar.

Sabaqtyń barysy.
İ. Uıymdastyrý kezeńi
- Oqýshylarmen sálemdesý;
- Oqýshylardy túgendeý;
- Sabaqqa daıyndyqtaryn baqylaý;
Oqýshylar qazaq tili boıynsha qandaı taqyrypty ótip jatyrmyz? (pýnktýasıa)
Endeshe, pýnktýasıa degenimiz ne? Qandaı tynys belgilerin bilesińder? Ótken sabaqta qandaı tynys belgilerimen tanystyńdar? (útir)
Útir qandaı jerlerde qoıylady?
Tynys belgileri bizge ne úshin qajet?
Olardyń mańyzy qandaı?
Olaı bolsa útir aýyzeki sóıleý tilinde ıntonasıa qandaı mańyzǵa ıe bolsa jazba tilde tynys belgileriniń atqaratyn orny zor. Útir bizge óte qajet belgi. Ol sóılem ishindegi eń kóp qoldanatyn belgi. Ol biryńǵaı múshelerdiń arasyna, qaratpa sózderge, ońashalanǵan aıqyndaýysh sózderdiń ara - jigine qoıylatyn belgi.
Búgingi ótiletin taqyrybymyz: Biryńǵaı múshelerge, qaratpa sózderge jáne ońashalanǵan aıqyndaýyshqa qoıylatyn útir.

1. Biryńǵaı múshe degenimiz ne? Mysal.
2. Qaratpa sózder degenimiz ne?
3. Aıqyndaýysh múshe degenimiz ne? Onyń qandaı túrleri bar?
4. Ońashalanǵan aıqyndaýysh degenimiz ne? Bulardyń aralaryna qandaı jaǵdaıda útir qoıylady? Mysal keltir.

1. Kóktemde, jazda jáne kúzde aýyr tikushaqtar taıgadaǵy burǵylardyń ústinde qalyqtap júredi.
2. – Armysyń, han ıem! – dep oń qolyn keýdesine qoıyp, ıilgen kezde Abylaı da ornynan kóterile berdi.
3. Biz aýyl balalary, qys bolsa, ol kisiniń otynyn jaryp berýge, jaz bolsa, buzaýyn aıdap kelýge, talasyp júremiz.
4. Doly dalada, qatýlanǵan sýyq júzdi ógeı dalada, bular taǵy da uzaq jorytty.
Myna sýretke nazar aýdaraıyq, kimderdi kórip turmyz?

Bıler týraly ne bilesińder?
Qandaı sheshendik sózderin jatqa bilesińder?
Mysaly, qalalyq Aqberen saıysy ótip turady, sol saıysqa qatysqandaryń barma?
Bıyl qazaq handyǵynyń qurylǵanyna neshe jyl boldy?
Endeshe osy bıimizdiń qazaq tarıhynda alatyn orny qandaı? (Oqýshylar aıtady)
Endi kitapqa qaraıyq.
Jattyǵýlar kerýeni. 171 - jattyǵý shartymen oryndaý. 1 oqýshyǵa oqytyp, tynys belgilerine nazar aýdartý.

- Balam, mynany syndyryp kórshi, - deıdi
- Budan ne túsindiń, balam? – deıdi.

172 - jattyǵý
Qaz daýysty Qazybek bı aýmaly - tókpeli, kúrdeli, qıly zamanda ǵumyr keshti. (Sóılem múshelerine taldaý)

173 - jattyǵý
Shartymen oryndaý.
Ádebıet óner tarıhynda rýhanı taza bolmysymen týrashyldyǵymen danalyǵymen kúıli - qýatty ári symbatty sózderimen aty ańyzǵa aınalǵan aqyl oı alyptarynyń biri – Áıteke bı.