Birinshi synyp oqýshylary bıylǵy 1 qyrkúıekten bastap 5 kúndik oqý aptasyna kóshedi
Memleket basshysynyń tapsyrmasy boıynsha, osy oqý jylynyń 1 qyrkúıeginen bastap, elimizdiń jalpy bilim beretin mektepteriniń 1-synyptary 5 kúndik oqý aptasyna kóshedi. Birinshi synyp oqýshylary 1 qyrkúıekten bastap, 1 maýsymǵa deıin oqıtyn bolady.
Bul týraly QR Bilim jáne ǵylym mınıstrliginen habarlady.
Demek, mektepterdiń 1 synyp oqýshylary 2017 jyldan emes, osy jyldan bastap 5 kúndik oqý jylyna kóshedi.
Kelesi qadamǵa sáıkes, 2017 jyly ekinshi, besinshi, jetinshi, toǵyzynshy synyp oqýshylary 5 kúndik oqý aptasyna kóshedi. 2018 jyldan bastap, barlyq basqa synyp oqýshylary jańa oqý barysyna kóshedi.
5 kúndik bilim berýge kóshý bilim berý baǵdarlamasynyń jańartylýyna baılanysty. Jańa bilim berý baǵdarlamalary, buǵan deıin habarlanǵandaı, Nazarbaev Zıatkerlik mektebi baǵdarlamasyna, úzdik álemdik tájirıbege sáıkes fýnksıonaldyq saýattylyqqa negizdeledi.
«Mınıstrlik qazirgi tańda barlyq mektepterdiń 5 kúndik oqýǵa kóshýin tezdetý amaldaryn qarastyrýda. Alaıda, bul máseleni sheshý úshin tezdetilgen keste negizindegi bilim berý baǵdarlamalarynyń mazmunyn jańartý boıynsha tolyq esep júrgizý kerek. Sonymen qatar, úsh aýysymmen oqıtyn mektepter máselesin de jete qarastyrý qajet.
Biz túsinemiz, bilim berý prosesiniń sapasyna da, kólemine de zıan kelmeý úshin, jazǵy demalys merzimi shamamen 2 aptaǵa keıinge jyljytylady», delingen mınıstrliktiń habarlamasynda.
Qazaqstan Respýblıkasy Premer-Mınıstriniń orynbasary Darıǵa Nazarbaeva 5 kúndik oqý aptasyn engizý mańyzdylyǵyn atap ótti: «Men ata-analar men bizdiń balalar úshin óte qýanyshtymyn, óıtkeni mektepten túsetin júkteme óte aýyr jáne balalardyń densaýlyǵyna áser tıgizedi, olar bir kún ishinde qalpyna kele almaıdy. Bizdiń josparymyz boıynsha, senbi kúni balalar jan-jaqty damı alatyn bolady, til úırený kýrstaryna nemese sport seksıalaryna qatysýǵa múmkindigi bolady. Sonymen qatar eń basty tárbıeni biz otbasynan alamyz, sondyqtan senbi kúni balalarda ata-analarymen tildesýge, januıa dástúrlerimen tanysýǵa bóletin ýaqyt bolýy qajet. Budan basqa, senbi - oqytýshylardy qaıta daıarlaý úshin mańyzdy kún bolady».
You Might Also Like
