InfoHub Logo

6-klass Ádebıet
Sabaqtyń taqyryby: «Birjan sal Abaı aýlynda»
(Birjan men Abaı uqsastyǵy)

Sabaqtyń maqsattary:
1. Bilimdik: Kórkem shyǵarmanyń mazmunyn meńgertý, shyǵarmany oqyp - úıretýdiń ádis-tásilderin durys qoldanyp, taldaı bilýge baýlý;
2. Damytýshylyq: Teorıalyq bilimderin praktıkamen ushtastyrý, shyǵarmashylyq izdenisterge baýlý;
3. Tárbıelik: Qazaqtyń salt-dástúrin bilýge, ulttyq qundylyqtarymyzdy qasterleýge, qarapaıymdylyqqa, adamgershilikke, qonaqjaılylyqqa, syılastyqqa tárbıeleý;

Sabaqtyń ádis-tásilderi: STO strategıalary, SKT, suraq-jaýap, baıandaý, túsindirý, izdendirý, t.b.
Sabaqtyń túri: İskerlik daǵdyny qalyptastyrý
Pánaralyq baılanys: mýzyka, tarıh
Kórnekilikter: Abaı, Birjan portretteri.

Sabaqtyń barysy
İ. Psıhologıalyq daıyndyq
Júsipbek Elebekovtyń oryndaýyndaǵy Birjannyń «Janbota» áni tyńdalady.
Sabaqtyń epıgrafy
Qulaqtan kirip, boıdy alar,
Jaqsy án men tátti kúı.
Kóńilge túrli oı salar,
Ándi súıseń, menshe súı!..
(Abaı)

İİ. Ne bilemiz?
1) Mazmundyq jospar boıynsha mazmundaý (baıandaý)
1) Abaı aýlynyń qadirli, syıly qonaqtary
2) Án terbegen Abaı
3) Birjan salǵan «Janbota» áni
4) Ámirdiń oryndaýyndaǵy «Jıyrma bes»
5) Birjan shákirtteri
6) Áıgerimniń áni
7) Uljannyń Birjanǵa bata berýi
8) Birjannyń Abaı aýylynan attanyp ketýi
2) Ótken sabaqpen taqyryptyq baılanys

«Zymyran suraqtar» (Suraq-jaýap)
1. Abaıǵa bala kezinde jeńgeleri erkeletip qoıǵan aty? (Telǵara)
2. Abaı: «Bar, kór. Shyn ónerli, qyzyqty bolsa, elge ákel. Jas býyn óner úırensin, úlgi alsyn. Men de kómekshi bolarmyn»,- dep, Birjanǵa kimdi jumsady?
3. «Shirkin, aıtýshy men bolǵanda, únemi uqtyrýshy sen bolsaıshy!» Kimniń sózi? (Birjan)
4. «Ónerpaz bolsań, ór bol! Jalqy bol, jarly bol, ol –kemshilik emes!» Kimniń sózi? (Abaı)
5. «Kisisin bir bolystyń bireý sabap,
Bar ma edi statáda kórgen jeriń?...»- degen joldar kimniń, qaı óleńinen úzindi? (Birjan «Janbota»)
6. Shyǵarmadaǵy tıptik obrazdy ata. (Abaı)
7. Áńgimede qandaı qazaqy salt-dástúr kórinis tapqan? (qonaqjaılylyq, bata berý)
8. Áńgimede Birjanǵa óz úıinen dám tatqyzyp, bata berip, oń sapar tilegen kim? (Uljan)
9. Kerimbala:
- Taǵy bir aýyz!- dep edi.
Oralbaıǵa:
- Taǵy! Taǵy! –dep Birjan da yqylaspen aıtty. (dıalog)
10. Birjannyń suraýy boıynsha qoshtasardaǵy jastar aıtqan án?
(«Jıyrma bes»)

İİİ. Ne bilgimiz keledi? (İzdendirý)
Birjan sal Qojaǵululy. (1834-1897)
Abaı Qunanbaıuly (1845-1904)

1) Birjan men Abaı jaqyndastyǵy
aqyn
dana
ánshi
aqyn
sazger

ustaz
aǵartýshy
ónerpaz
oıshyl
sal
sheshen
satırık
aýdarmashy
aıtysker
dramatýrg

2) «Tujyrym» kestesi boıynsha jumys
Shyǵarma mátininen Abaı men Birjanǵa qatysty is-áreketterdi taýyp jazyp, sol áreketterine qaraı baǵalańdar.

Keıipkerler.İs-áreketi. Adamı qasıeti.
Abaı
Birjan

3) «Birjan sal Abaı aýlynda» (M.Áýezov) áńgimesine satylaı keshendi taldaý
Taqyryby
Avtory
Keıipkerleri
Portretteri
Áńgimedegi kórkemdeýish quraldar

İİİ. Ne bildik? (Toptastyrý)
- Abaı men Birjandy rýhanı jaqyn etken ne nárse?
- Olaı bolsa, ónerdiń qandaı túrlerin bilemiz?
músin óneri, sóz óneri án, bı, beıneleý, sáýlet, qolóner, kúı.

- Abaı men Birjan óneri búgingi kúnge qalaı jetti? Ony jetkizgen kimder?
Oralbaı, Ámir
Ákimqoja, Balbala
Úmiteı, Kerimbala
- Bizdiń mektebimizde óner nasıhattala ma? (Mekteptegi óner úıirmeleri týraly áńgimeleý)
- Bizge, myna senderge, ónerli bolýǵa múmkindik bar ma?

Oqýshylardy baǵalaý
Qorytyndy
• Ónerlige óris keń.
• Ómirde keń bol,
Ónerde ór bol.
• Ónerge qyzyǵý oryndy, qyzǵaný –kúná.
• Óner báıgesi únemi tigýli.
• Ónege jelisi úzilmese, óner órisi de úzilmeıdi.
- Endeshe, eki uly - Abaı men Birjan óner qudiretin túsinip, bir-biriniń qadirin qalaı arttyrsa, biz, keıingi urpaq ta ónerdi súıip, qasterleı bilýimiz kerek.
Úı tapsyrmasy. «Ónerli órge júzer» taqyrybyna shaǵyn shyǵarma jazý.

Úsh tilde oqytatyn
№21 orta mektep-gımnazıasynyń
qazaq tili men ádebıeti muǵalimi
Toganakova Rabıga Sýleımenovna