InfoHub Logo

BİZ ÓMİRDİŃ GÚLİMİZ! (Daıarlyqpen qoshtasý erteńgiligine arnalǵan senarı)

Maqsaty: Balalardyń daıarlyqta alǵan bilimderin tekserý, qorytyndylaý.
Mindetteri:
1. Balalardyń bilimderin pysyqtaý, óz oılaryn tolyq jetkize bilýge daǵdylandyrý.
2. Sózdik qory men til baılyqtaryn damytý.
3. Úlkenderdi qurmetteýge, uıymshyldyqqa, ujymshyldyqqa tárbıeleý.
Kórnekilikter: shar, gúlder, merekelik jazýlar.

Barysy:
İ. Uıymdastyrý kezeńi
Júrgizýshiler sahnaǵa shyǵady.
1 - shi júrgizýshi: Qymbatty ata - analar, qadirli qonaqtar, qurmetti muǵalimder búgin biz mápelep, kútip tárbıelegen búldirshinderimizdi daıarlyqpen qoshtastyrǵaly otyrmyz. Árıne, bul da úlken toı, toılaryńyz qutty bolsyn.

2 - shi júrgizýshi:
Ótti qyzyq kóp kúnder
Jeti jasqa jettińder
Barasyńdar synypqa
Bir belesten óttińder
1 - shi júrgizýshi:
Ósti aqyl oılaryń
Ósti mine boılaryń
Qýanyshqa ortaqpyn
Qutty bolsyn toılaryń
Sahnaǵa balalar shyǵyp taqpaqtaryn aıtady.

1 - shi bala: Tamırlan
Qýanamyz, syılaımyz
Qýanyshtyń myń gúlin
Daıarlyqpen qımaı biz
Qoshtasatyn kún búgin

2 - shi bala: Gýlvıra
Botaqandaı bóbek dep
Erkeletken ul - qyzyn
Anamyzdy erekshe
Qýantamyz biz búgin

3 - shi bala: Nurel
Bul qýanysh sebebin
Bizge qarap uǵarsyń
Erjetti dep bóbegim
Týǵan Otan qýansyn
Týǵan dala qýansyn

4 - shi bala: Sáýle
Jerde qar jatsa da
Asyr salyp aqpanda
Kúnde ertemen mektepke
Keletinbiz aq tańda

5 - shi bala: Aıdos
Dobym, dobym domalaq
Qaıda kettiń domalap?
Ústel ústin búldirdiń
Tárelkeni syndyrdyń

6 - shy bala: Gúlzada
Ana tilin ardaqtap
Ata saltyn biz kórdik
Sýret salyp, án jattap
Oqyp, jazyp úırendik

7 - shi bala: Mádı
Súıgen óz ul - qyzyn
Bóbegim dep aıanbaı Mektebim óz úıim
Tárbıeshim boldy anamdaı

2 - shi júrgizýshi: Án: «Aq kógershin» oryndaıtyn «Órken» daıarlyq tobynyń oqýshysy Baıjanuly Dinmuhamet.

1 - shi júrgizýshi: Balalar bizge qonaqqa «Saýat ashý» men «Álippe» kele jatyr, káne qarsy alaıyq.(Balalar amandasyp qarsy alady)

Álippe sózi: Armysyńdar, jas dostar
Armysyńdar, ata - ana
Bolashaqqa jol bastar
Álippe keldi ortaǵa
Bilim degen ǵajaıyptyń
Álippesin meńgerer
Keleshegi qazaqtyń
Bastalady senderden

Saýat ashý: Biz sender daıarlyqpen qoshtasyp jatyr degendi estip qonaqqa keldik. Endi ónerlerińdi, bilimderińdi álippege kórsetińder.

2 - shi júrgizýshi: Al endi balalar biz bilimderimizdi, ónerlerimizdi álippe men saýat ashýǵa kórseteıik. Kishkentaı áripterdi ortaǵa shaqyraıyq.

1 - shi bala: Álisher Áripterdi tanyńdar
Bárin jattap alyńdar
Onda qyzyq oıyn bar
Oǵan kóńil qoıyńdar

2 - shi bala: Baýyrjan Oınańdar da oılańdar
Qyzyǵyna toımańdar
Bárin qarap shyǵyńdar
Árip syryn uǵyńdar
3 - shy bala: Móldir
A degenim ardaqty
Aq sút bergen anamyz
4 - shi bala: Jannel
B degenim bal tilim
Biz baqytty balamyz
5 - shi bala: Ermek
Á degenim ánshiniń
Ánge aınalǵan áýeni
1 - shi júrgizýshi: Myń buralǵan arýlar ańdap basyp,
Keledi mine ortaǵa tolqyp tasyp.
Arýlaryn syılaǵan, halqym meniń,
Kóńildi qoshemetpen qarsy alaıyq!- dep myń buralǵan bıshilerimizdi qarsy alyńyzdar.
Bı: «Shyǵys bıi» ortada bıshiler toby
2 - shi júrgizýshi: balalar, matematıkadaǵy Tapqyshbek degen joldastaryńdy bilesińder me? (Iá)
Búgingi keshimizge Tapqyshbek te kele jatyr, káne, qarsy alaıyq.(Tapqyshbek kelip balalarmen amandasady)
Tapqyshbek: Sálemetsińder me balalar! Sender matematıka álippe - dápterindegi meniń tapsyrmalarymdy oryndap júrdińder. Endi senderdi óz kózimmen kóreıin dep búgingi qoshtasý keshterińdi estip kelip qaldym. Qur alaqan kelmeı ózimmen birge senderdiń bilimderińdi tekserý úshin tapsyrmalar ala keldim.
Tapqyshbek: Oı, balalar, sender bárin biledi ekensińder. Birinshi synypqa daıarlyqtaryń jaqsy eken. Qalamyzda sender sıaqty kóp balalar bitirip jatyr solarǵa da baraıyn, saý bolyńdar.
1 - shi júrgizýshi: Án: «Ana» oryndaıtyn «baldáýren» daıarlyq tobynyń oqýshysy Taıgonyrov Eljan.
Álippe: Balalar senderge rızamyn bilimdi, ónerli ekensińder biraq ertegi tyńdaǵym kelip tur. Maǵan ertegi qoıyp berińdershi.
2 - shi júrgizýshi: Endeshe ertegi tamashalaıyq.
«Baldáýren» daıarlyq toby - «Baýyrsaq»ertegisi
Biz ómirdiń gúlimiz! (Daıarlyqpen qoshtasý erteńgiligine arnalǵan senarı) júkteý