InfoHub Logo

Mazmundama «Eki saýysqan»
Qazaq ádebıet 6 synyp
Eki saýysqan
(Mysal)

Birde ańshynyń ákesi qatty aýyryp qalady. Emshilerdiń biri:
- Eger de ákeńe saýysqanyń ótin ishkizseń, aýrýynan qulan taza jazylyp ketedi,- deıdi.

Ańshy emshiniń aıtqanyn oryndamaq bolady. Saýysqandardy ańdydy. Bir kezde úıiniń janyndaǵy aǵash qoranyń ústine eki saýysqannyń qatar kelip qonǵanyn baıqaıdy. Ekeýi shyqylyqtap, biraýyq otyrady.

Ańshy myltyǵyn kózdep, shúrippeni baspaqshy bolǵanda, mal aıdap bara jatqan balany kózi shalyp qaldy. Atýdyń retin tappaǵan ańshy kútpegen kedergige bola, qatty ókinedi. Áıtse de, qos saýysqan ushyp ketkenimen, sálden soń - aq, baıaǵy oryndaryna qaıta qondy.
Ekeýin ajal aıdap keldi - aý shamasy, ańshy myltyǵyn olarǵa kezep, shúrippeni basyp qaldy. Saýysqannyń biri aǵash qoranyń arǵy tasasyna qulap tústi. Ekinshisi uzap ushyp ketpeı, sol tusqa aınalsoqtap qaıtadan ushyp keldi.

Ańshy aǵash qoranyń arǵy betine barǵanda aman qalǵan saýysqannyń oq tıip, jaraly bolǵan saýysqandy tumsyǵyn ilip, ary qaraı súırelep, áketip bara jatqanyn baıqaıdy.

- Apyrym - aı, - deıdi ańshy qaıran qalyp, - saýysqandy óte saq deýshi edi. Al mynaǵan ne dersiń. Olar sonymen birge bir - birine óte meıirimdi eken - aý. Jaraly serigin jolda qaldyrǵysy kelmeı, ólermen halde ózimen birge áketip bara jatqanyn qarasańshy!

Ańshy sol kúni alǵash ret emshiniń aıtqan sózin oryndaýǵa shynaıy peıil tanytpady. (172 sóz)