InfoHub Logo

Uıymdastyrylǵan oqý is - áreketiniń tehnologıalyq kartasy
Bilim berý salalary: «Áleýmettik orta»
Oqý is áreketi: «Qorshaǵan orta men tanysý»

Taqyryby: «Bizdiń baqshamyz»
Maqsaty: 1. Bilimdilik: Balalardy baqsha ortalyqtarymen tanystyrý, ondaǵy zattardyń ataýlaryn bilý.
2. Damytýshylyq: Zattardy ne úshin paıdalanatynyn áńgimeleýge úıretý.
3. Tárbıelik: Qorshaǵan ortany aıalaı bilýge jáne úlkenderdiń sózine qulaq túrýge tárbıeleý
Kórnekilikter: Bizdiń balabaqsha kartasy, sýretteri. Toptardyń sýretteri.
Ádis tásilderi: suraq – jaýap, áńgimeleý, saıahatqa shyǵý.
Bılıngval: «Bizdiń – baqshamyz» - «Nash - sad»

Áreket kezeńderi Tárbıeshiniń is - áreketi Balalardyń is - áreketi
Motıvasıalyq - qozǵaýshy Balalardy sheńber boıyna turǵyzyp kelgen qonaqtar men amandasý.
Balalar qazir qaı jyl mezgili? Jaýap: kóktem. Ia kóktem mezgili, kún jylynyp, basqa jaqtan qustar ushyp kelip jatyr. Endi myna kúnniń shýaǵyna qyzdyrynyp bir - birimizge jyly tilekter aıtaıyq. Oıynshyq, kúndi usynyp bir - birine jyly júrekten óz tilekterin aıtady.
Balalar búgin sendermen baqsha ortalyqtarymen, onda qandaı adamdar jumys isteıtiniń tanysamyz.
Bizdiń balabaqsha
Bala baqsha esigin
Úshke tola ashqanbyz
Balapandaı ósirip
Mápeleıdi baqshamyz
Bul ekinshi úıimiz
Bir týǵanbyz birimiz
Biz - sol úıdiń gúlimiz
Biz - sol úıdiń sánimiz
Balalar qyzyǵa tyńdaıdy. Bárimiz birge saıahat ortalyǵyna shyǵamyz. Ortalyqta ashana, dárihana, ustahana, kir jýatyn bólme jabdyqtary, bólmeleri jasalynǵan. Osy kezde aǵashtyń janynda qoıan kónilsiz otyr eken.
- Balalar, mynaý qoıan ǵoı? Salamatsyń ba? Qoıan!
- Salamatsyńdar ma, balalar? Sender qaıda shyqtyńdar?
- Qoıan jan biz baqshamyzdyń ortalyqtaryn kórýge shyqtyq.
- Onda meni de ala baryńdarshy men buzyq bolmaımyn?
- Balalar, qoıan bizben júrsin be? Jaýap: Ia júrsin. Qoıan qýanyp bizben birge saıahatqa shyǵady.
İzdený – uıymdastyrý:
Balalar mynaý dárihana. Dárihanada ár túrli dáriler bolady. Dárilerdi adamdar aýyrǵanda ishedi. Suıyq maılardy jaraqattanǵan jerlerine jaǵady. Dáriger balalardyń aýryp qalmaýyn qadaǵalaıdy. Dárigerdiń quraldary: ıne, dári, stetaskop, maqta, dáke t. b. Dáriger tazalyqty qadaǵalaıdy. Qolyńdy jýmaı tamaq ishseń ishiń aýrady. Jýmaǵan jemis – jıdekterdi jeýge bolmaıdy. Ájethanaǵa barǵan soń, qoldy jýý kerek. Al endi ustahanaǵa keldik. Ustahanada balalar synǵan zattardy jóndeıdi. Synǵan oryndyqty nemese oıynshyq jınaıtyn sandyq. Ustahananyń quraldary: balta, balǵa, shege, ara, t. b. Balalar munda ashana. Ashanada bizge tátti taǵamdar daıyndaıdy. Ashananyń ishi taza bolý kerek. Ashanada ydys aıaqtar kóp qazan, ojaý, legen, qasyq, pyshaq t. b. Endi kir jýý ortalyǵyna baraıyq. Kir jýý bólmesinde kir kıimder, kórpeler, tósenishter jýady. Quraldary: kir jýǵysh mashına, shara, sý ysytatyn qazan t. b.
Dıdaktıkalyq oıyn «Dáriger»
- Balalar, meniń kóńilim kóterilip qaldy senderge rahmet. Meni anam izdep qalǵan shyǵar men úıge qaıtaıyn saý bolyńdar.
- Saý bol qoıan jan!
Refleksıvti – qorytyndylaý
Balalar dáriger kimdi emdeıdi? Ustahana neni jóndeıdi? Ashanada neni pisiredi? Kir jýatyn bólmede neni jýady?
Balalar suraqtarǵa jaýap beredi.
Jaraısyńdar, balalar! Endi mynaý, shashylyp jatqan quraldardy óz ortalyǵyna jınap burys ornyna qoıaıyq.
Balalar taqpaqtaryn aıtady.

Kútiletin nátıje:
Jańǵyrtady: Balalar tolyq jaýap berýge úırenedi. Ortalyqtarmen tanysady.
Túsinedi: Óz betterinen oılaryn qorytyndylaı alý.
Qoldanady: Ortalyqtyń quraldaryn.