InfoHub Logo

“... Adamzat úshin HHİ ǵasyr jańa tehnologıalardyń ǵasyry bolmaq, al osy jańa tehnologıalardy júzege asyryp, ómirge engizý, ıgerý jáne jetildirý - búgingi mektep oqýshylary sizderdiń enshilerińiz” N. Nazarbaev
Bilim berýdi aqparattandyrýdyń negizgi maqsattary: Qazaqstan Respýblıkasynda birtutas bilimdik aqparattyq ortany qurý bolyp tabylady. Olaı bolsa, bilim berý salasynda jańa aqparattyq tehnologıany paıdalanýǵa, Qazaqstan Respýblıkasyndaǵy aqparattyq keńistikti álemdik bilim berý keńistigimen sabaqtastyrýǵa múmkindik beredi.
Bilim berýdi aqparattandyrýdyń negizgi mindetteri:
- aqparattyq jáne telekomýnıkasıalyq tehnıkalyq quraldarmen qamtamasyz etý;
- bilim berýdi aqparattandyrý boıynsha praktıkalyq sharalardy anyqtap, júzege asyrý;
- oqý - tárbıe prosesinde jańa aqparattyq tehnologıany engizýdi qamtamasyz etý boıynsha ǵylymı - izdenýshilik jáne oqý - ádistemelik jumystaryn júrgizý;
- mektep pánderi boıynsha jasaqtalatyn jalpyǵa mindetti bilim standarttarynyń jáne oqý - ádistemelik keshenderiniń mazmunyn aqparattyq tehnologıany paıdalaný múmkindikterimen jetildirý, bilim berýdi basqarýda aqparattyq júıeni qurý;
- bilim berý mekemeleriniń qyzmetkerleri úshin programmalyq - tehnıkalyq quraldardy qamtamasyz etý jáne mýltımedıalyq programmalardy, elektrondyq oqýlyqtardy jasaqtaý;
- pedagog kadrlardy jańa aqparattyq tehnologıany óz qyzmetterine erkin paıdalana bilýge daıyndaý jáne júıeli túrde biliktilikterin kóterý.
Bilim berýdi aqparattandyrýdyń qaǵıdalary:
- qoǵamnyń árbir múshesi úshin alynatyn bilimder men málimetterdiń túsiniktiligi;
- jeke tulǵanyń ıntellektýaldyq jáne shyǵarmashylyq qabiletterin damytý;
- bilim men tárbıeniń birizdiligi;
- jalpy kompúterlik saýattylyq;
- oqytý men tárbıeleýdiń jyldamdyǵy ( ıntensıfıkasıa).
Nátıjeler:
- jańa aqparattyq tehnolgıany qoldaný arqyly bilimniń sapasyn kóterý;
- jańa aqparattyq jáne telekomýnıkasıalyq tehnologıalardy engizý arqyly bilim berý mazmunyn jańartý;
- jańa aqparattyq tehnologıany qoldaný salasy boıynsha oqýshylardyń mamandyqqa baýlý mehanızmin qurý;
- bizdiń elimizdegi jáne shet elderdegi jınaqtalǵan aqparattyq resýrstarǵa jedel ený;
- bilim berýdiń telekomýnıkasıalyq jelilerin qurý;
- respýblıkanyń bilim berý mekemelerin basqarýdyń birtutas aqparattyq jelisin qurýǵa negizdep, bilim berýdiń basqarý salalarynyń aqparattyq jelisin qurý.
HİH ǵasyrda ómir súrgen belgili shyǵystanýshy Ábýbákir Dıvaev bylaı degen eken: «Bilimniń nury sebilmeıinshe, birde - bir ozyq el bola almaıdy». Egemen Qazaqstannyń gúldengen órkenıetti el bolýy, búgingi jastardyń kózi ashyq, bilimdi azamat bolyp jetilýine baılanysty.
Qazirgideı sannyń sapaǵa aýysýy kezeńinde, ustaz aldynda mynadaı talap, mindetter týyndaıdy:
- ustazdyń aldymen óziniń bilimdi bolýy;
- shákirtterinen bilimdi talap etýshi bolýy;
- bilimdi tyńdaýshy bolýy;
- sonymen qatar bilim jolyndaǵylardy qoldaýshy bolýy.
Ár muǵalimniń aldyndaǵy sáýleli muraty - óz páninen bilim berip qana qoımaı, ár balany shyǵarmashylyqqa shyńdaý, balanyń ózine degen senimin týǵyzý.
Jańa formasıa muǵalimi – rýhanı – adamgershiligi, refleksıaǵa qabiletti, aqparattyq – kommýnıkatıvtik, áleýmettik – tulǵalyq jáne basqa da quzyrlylyqtary qalyptasqan, shyǵarmashyl ustaz.