InfoHub Logo

Dúnıetaný 2 - synyp
Taqyryby: Bizdiń kólik
Maqsattary: Oqýshylardyń kólik túrleri men onyń atqaratyn arnaıy qyzmetteri týraly bilimderin keńeıtý. Kezdeısoq jaǵdaılarǵa baılanysty telefon nómirlerin terip, arnaıy mashına shaqyrýǵa úıretý.
Olardy kúnde kórip júrgen zattardan abaı bolýǵa, qaýipsizdik erejelerin saqtaýǵa baýlý.
Qıyn jaǵdaıda adamdarǵa qol ushyn berýge tárbıeleý.
Sabaqqa kerekti qural - jabdyqtar: mashınalardyń maketteri, sýretter (slaıd), 101, 102, 103, 104 mashınalary, «Bizdiń kólik», «Arnaıy kólikter» degen jazý, keste
Sabaqtyń ádisi: suraq – jaýap, toppen jumys

Sabaqtyń barysy: İ. Uıymdastyrý kezeńi
Psıhologıalyq daıyndyq.
- Balalar, búgin aptanyń qaı kúni? (sársenbi)
Búgingi sabaqqa sársenbiniń sáttiligin tilep, bir - birimizge jarqyn júzben qarap, sabaǵymyzdy bastaıyq.
İİ. Úı tapsyrmasyn tekserý: deńgeılik tapsyrmalar
İ deńgeı: Astana qalasy týraly aıt, úıde salǵan sýretterinen kórme uıymdastyrý
İİ deńgeı: Almaty qalasy týraly aıt, úıde salǵan sýretterinen kórme uıymdastyrý
İİİ deńgeı: Astana qalasy qashan astana bolyp belgilendi? Astana týraly jattaǵan óleńdi esińe túsirip aıt

İİİ. Jańa sabaq. Psıhologıalyq daıyndyq. Oıyn «Nemen barýǵa bolady?»
Taqtada sýret, onda aýyl men qalanyń ortasynda ózen, ózenniń ústinen kópir ótedi. Aspan, jol, temir jol beınelengen. Jumbaqty sheshe otyryp sýretti tolyqtyrý.
Basyp ozyp qusty,
Qanatyn qaqpaı ushty. (Ushaq)

Tóbesinde ebelek,
Ushady ózi keremet (Tik ushaq)

Júrgizdim bir úıimdi,
Júıtkise jurt súısindi.
Bar jolmen jurtty tasyp júr,
Jyldamdyqqa basyp júr. (Avtobýs)

Jaly – temir,
Joly – temir.
Temir atty, zymyrattym.(Tramvaı)

Qos ishekke qonaqtaǵan kalany
Qara tulpar alǵa súırep barady. (Poezd)

Útikke mindim,
Muhıtqa júzdim. (Keme)

Qamshylasań júrmeımin,
Minip alyp tebinseń,
Kidirýdi bilmeımin. (Velosıped)

Keýdesinde qany joq,
Tamyrynda qany joq.
Maı jeıdi,
Sý ishedi. (Mashına)

Jaýaptaryn taqtaǵa sýretpen shyǵaryp otyramyn.
- Jumbaqtar ne týraly? Bir sózben bulardyń barlyǵyn qalaı ataımyz? Al kólikter kimge kerek?(bizge)
Endeshe, búgingi sabaǵymyzdyń taqyryby «Bizdiń kólik» taqtada kólik sýretiniń arasynan taqyryptyń ataýy shyǵady. Maqsatyn aıtý.

İÚ. Toptastyrý
- Sonymen bizge kólikter ne úshin kerek?( jaýap alý) Myna sýretterge qarap otyryp, kólikterdi qandaı toptarǵa bólýge bolady? Kólikter qaı jerde? taqtadan keste shyǵady:
Kólik túrleri
Jer
Áýe
Sý

(jer kólikteri, áýe kólikteri, sý kólikteri) kestege mashına, avtobýs, taksı, tramvaı t. s. s.; ushaq, tikushaq; keme, qaıyq degen sózder jazǵyzý.
- Balalar, budan basqa aýylda qandaı kólikterdi qoldanady? (Túıe, esek, at) Olar júkti qalaı tasıdy? (arba jegip alady) Bular kóliktiń qandaı túrine jatady? (arba kóligi) sýretterin slaıdpen kórsetý.
- Biz qalada turamyz. Elimizde jyl saıyn mashına, avtomobıl túrleri kóbeıýde. Soǵan baılanysty, jolda, kóshede qozǵalys ta kúrdelenýde. Mundaı jaǵdaıda júrgizýshiler de, jaıaý júrginshilerde óte saq bolý kerek. Eger saq júrmese jazymǵa ushyraýy múmkin. Ásirese senderdeı kishkentaı balalar! Al jazymnan aman bolý úshin ne isteý kerek? Neni bilý kerek? (kóshe tártibin) - Joldan qalaı ótý kerek? (sýretpen jumys)

Ú. Sergitý sáti: oıyn «Baǵdarsham»
Qyzyl tústi kórsetse - toqta (bári turady)
Sary tús kórsetse - daıyndal (eki jaǵyna kezek qaraıdy).
Jasyl tús kórsetse - júr (ornynda biraz júredi)

Úİ. Oqýlyqpen jumys: 101 bettegi «Bizdiń kólik» taqyrybyn ashyp, tizbektep oqyp shyǵý.
- Qandaı kólikterdi arnaıy kólikter deıdi? Taqtadan kórsetý (oqýlyqtaǵy sýretti kórsetý)
- Olar nege solaı atalady? (adamdarǵa kómek kórsetý úshin kórsetetin qyzmetine baılanysty jabdyqtalǵan. Mysaly «órt sóndirýshilerdiń» órt sóndirýge arnalǵan sý, saty, t. s. s zattary bar, «jedel járdemde» adamnyń ómirin saqtap qalýǵa arnalǵan neshe túrli apparattar, tez arada kómektesetin dári - dármekter bar)

Úİ. Jaǵdaılar sheshý
- Kezdeısoq jaǵdaılar týyndaǵanda qandaı arnaıy mashınalar shaqyramyz?
- Qazir sondaı kezdeısoq jaǵdaılardy ózimiz sheship, qaıda telefon shalý kerek, qandaı mashına shaqyrý kerek ekenin úırenemiz.
Toptarǵa jaǵdaılardy qaǵazǵa jazyp, taratyp berý. - Bul jaǵdaılardy toppen otyryp sheshesińder de, bireýin jaýap beresińder!