InfoHub Logo

Damytýshylyq sabaq «Bizdiń Otanymyz»
Dúnıetaný 2-synyp

Sabaqtyń taqyryby: Bizdiń Otanymyz.
Sabaqtyń maqsaty: 1. Otan – Qazaqstan, týǵan eli týraly túsinikterin keńeıtý. Otan – óziniń turatyn, ómir súretin jeri retinde túsindirý.
2. Oqýshylardyń oı-órisin, sana sezimin damytý. Týǵan el, Otan týraly oqýshylardyń sóıleý daǵdylaryn qalyptastyrý, sózdik qoryn molaıtý, este saqtaý qabiletterin arttyrý.
3. Oqýshynyń eline degen súıispenshiligin, maqtanysh sezimi arqyly patrıottyq tárbıe berý.

Sabaqtyń túri: Damytýshylyq sabaq.
Sabaqta qoldanylatyn ádister: oı qozǵaý, qyzyǵýshylyqty oıatý, maǵynany tanytý, oı tolǵanys, Jıgso. 1.
Sabaqtyń kórnekiligi: Karta, deńgeılik tapsyrmalar salynǵan konvertter, Konstıtýsıa kitapshasy, jazylǵan maqal-mátelder, sýretter.

Sabaqtyń barysy.
1. Uıymdastyrý kezeńi.
2. Psıhologıalyq daıyndyq.
Muǵalim: Balalar búgingi sabaq erekshe ótpek. Sebebi bizge qonaqtar kelip otyr. Káne, bárimiz orynymyzdan turyp, kúlimdep alǵysymyzdy aıtaıyq. Jáne de bir-birimizge jaqsy tilekter tileıik.
- Balalar, bizge qonaqqa altyn balyq ta kelipti. Ol tekke kelmepti. Ol aıtady: - «Men baıaǵyda shaldyń kóptegen tilekterin oryndaǵan edim, biraq kempiri qanaǵat etpeı meni renjitken edi. Endi sender meniń tilekterimdi oryndańdar. Sonda men de senderdiń barlyq tilekterińdi oryndaımyn».
Muǵalim: - Kelisemiz be, balalar?
- Olaı bolsa, alǵashqy 3 tilegi úı tapsyrmasy boıynsha. (úıge berilgen tapsyrma: Adam quqyǵynyń jalpyǵa birdeı deklarasıasynan úzindiler taqyryby boıynsha tekserý. )
1. Deńgeılik tapsyrmalar oryndaý. (konvertke «3», «4», «5»-tikke arnalǵan suraqtar salynǵan. Oqýshylar tańdaǵandaryn alyp, jaýap beredi.

«3»-tik suraqtary: 1. Konstıtýsıa degen neni bildiredi?
2. Konstıtýsıa qaı kún?
3. Zańdy kimder shyǵarady?

«4»-tik suraqtary: 1. 26-bapta ne jazylǵan?
2. Zańda jazylmaǵandardyń bárin adamdar saqtamasa ne bolar edi?
3. Qatal qatynas jasaý degen ne?

«5»-tik suraqtary: 1. Mekteptegi tártip erejesin saqtaýǵa erejeler qura.
2. 19-bapta ne aıtylǵan?
3. Adamdar bir-birine qatal qatynas jasamaý úshin ne isteý kerek?
4. Óziń oqyǵan kez-kelgen ertegi, áńgime nemese kórgen fılmderinde adam quqyǵynyń buzylǵany týraly aıt.
2. Deklarasıanyń qaı babyna sáıkes keledi?
Úıden salyp kelgen sýretteri boıynsha bir-birinikin sheshedi.
3. Úıde daıyndap kelgen kórinisteri boıynsha 2 top bir-birinikin sheshedi.
Muǵalim: Jaqsy balalar. Altyn balyq úı tapsyrmasy boıynsha rıza.

1. Oı qozǵaý.
Muǵalim: Balalar, men óleń joldaryn oqımyn, muqıat tyńdańdar.
Men onyń túnin súıem, kúnin súıem,
Aǵyndy ózen, asqar taý, gúlin súıem.
Men onyń qasıetti tilin súıem,
Men onyń qudiretti únin súıem.
- Bul óleń ne týraly?
- Otan týraly.
- Endeshe, balalar búgingi jańa sabaǵymyzdyń taqyryby: Bizdiń Otanymyz.

2. Qyzyǵýshylyqty oıatý. Otan týraly burynǵy biletinderin. (oqýshylar aıtady, muǵalim taqtaǵa jazady. )
3. Sergitý sáti. «Óz elim» ániniń áýenimen bı bıleý.
4. Mátinmen jumys. JIGSO 1 ádisi.
Ár top bólimderge bólip oqıdy. (4 bólim) Óz oqyǵandaryn retimen bir-birine aıtady.
Sózdikpen jumys: Otan degen sózdi basqa qandaı sózdermen almastyrýǵa bolady?
Týǵan jer, Atameken, Týǵan ólke. (osy sózderdi dápterge jazdyrtý).
5. Toppen jumys. 1top: Otanymyzdyń baılyǵy týraly aıtý. 2 top: Aýylym.
6. Insert ádisi.
Burynǵy biletinim
Jańa bilim
Oqýshylar jazady.

7. Venn dıagramsy.
Qazaqstan -------------------- Aýylym

Oıyn. Árip terý. Otan degen sózdiń ár áripten óz Otanyn qorǵaıtyn azamat qandaı bolý kerek? Soǵan baılanysty sózder oılaıyq.
O – oqymysty, Otan súıgish.
T – tártipti, talapty.
A – aqyldy, adal.
N – namysshyl, naǵyz er.
Muǵalim: Balalar, sender táýelsiz Qazaq eliniń eń jas ulanysyńdar. Sondyqtan óz jeriń men óz elińdi ákeleriń men atalaryń sıaqty qadirleýge, súıýge, qorǵaýǵa tıis ekenderińdi este saqtańdar!
Úıge tapsyrma: «Bizdiń Otanymyz» mátinin oqý. Otan týraly maqal-mátelder jınaý. Otan týraly óleń quraý.

Qorytyndy: - Sabaq unady ma?
- Sabaqta ne istedik?
- Kimniń jaýaby unady?
- Maǵan da sender unadyńdar. Sabaqqa jaqsy qatystyńdar. (baǵalaý)
- Rahmet. Altyn balyq ta senderge rıza. Syıy. (baǵalar)