InfoHub Logo

Sen arqyly aınaldy ómir jumaqqa
Byldyrlaǵan kip-kishkene balaqan,
Júregimnen saǵan shýaq taratam.
Saǵan degen mahabatty mendegi
Sezine almas bul dúnıede jan adam.
Saǵan ermek besiktegi syldyrmaq,
Maǵan óziń jyr oqısyń byldyrlap.
Mynaý ómir aınaldy ma jumaqqa
Syr aıtady qus tilinde kúmbir baq.
Meniń orta kóńilimdi toltyrdyń,
Meniń orta ómirimdi toltyrdyń.
Qaıda ketken bul kúnderi tań qalam
Bir kezdegi kóńildegi mol kirdiń?
Sen arqyly aınaldy ómir jumaqqa,
Senen balam, kete almaımyn jyraqqa.
Sezinemin qaıda júrsem demińdi
Byldyr úniń estiledi qulaqqa.
Sodan keıin úıge qaraı ushamyn,
Qýanysh pen shattyq tolyp qushaǵym.
Sen arqyly ǵashyq qylǵan dúnıege
Shúkir aıtyp Jaratqanǵa, qushamyn.

*** *** *** ***

Sábı uzaq ǵumyrly bolsyn,
Ómiri kórkem kóńildi bolsyn.
Ata-anasyna meıirli bolsyn,
Aǵaıyn jurtqa peıildi bolsyn.
Bóbegińe Farabıdiń basyn bergeı,
Ámireniń ánin bergeı.
Sákenniń sánin bergeı,
Júsiptiń dıdaryn bergeı,
Muhambettiń ımanyn bergeı.
Láıim Qydyrdyń nazarynda,
Baqyttyń bazarynda júrsin!

*** *** *** ***

Otbasymyzdyń táp-tátti búldirshini, kóz qýanyshymyzdy ómir esigin ashqan kúnimen quttyqtaımyz. Qyran bolyp samǵap, alystardy kózdep, bıikterdi baǵyndyratyn úlken azamat bol, janym. Ómir joly seni eshqashan adastyrmaı, ár basqan qadamyńa Allanyń nury jaýsyn.

*** *** *** ***

Kúnim, gúlim, aıymsyń,
Kóktemdegi qaıyńsyń.
Táı-táı basyp úlgermeı,
Papa deýge daıynsyń.

Altyn qyzym – batyrym,
Bıik bolsyn shatyryń.
Asyl qyzym – Nurgúlim,
Aınalaıyn, aq gúlim!

---