SHQO mektep oqýshylary eń úzdik StartUp jobalaryn usyndy
«Sıfrlyq Shyǵys - 2019» IT-forýmy aıasynda oblys mektepteriniń oqýshylary SHQO ákimdiginiń Investısıalyq ortalyǵynda SturtUp jobalaryn qorǵady. Qatysý úshin eń úzdik 15 joba tańdaldy.
Balalardyń jobalaryn saraptamalyq qazylar alqasy baǵalady. Olardyń qatarynda oblys ákimi apparatynyń, joǵary oqý oryndarynyń jáne óńirdiń IT-kompanıalarynyń ókilderi boldy.
«Mundaı baıqaýlardy uıymdastyrý biz úshin dástúrge aınaldy. Bul jerde 2019 jylǵy IT-tehnologıalardyń basty juldyzdary jınaldy. Ótken jyly SturtUp jobalar baıqaýyna on oqýshy qatysqan edi. Bul joly jobalar sany ósip, bizdi qýantýda. Bolashaǵymyz úshin alańdamasaq bolady. Keremet izbasarlarymyz ósip keledi», - dedi oblys ákimi apparaty basshysynyń orynbasary Marına Gagarına.
Qatysýshylardyń jobalary alýan túrli salalardy avtomattandyrýǵa baǵyttalǵan. Onyń ishinde bilim, densaýlyq saqtaý, qaýipsizdik jáne aýyl sharýashylyǵy salalary bar. Mysaly, mektep oqýshylary tónip turǵan sý tasqynyn eskertetin qurylǵyny, «teńge alý» oıynynyń kompúterlik nusqasyn, ıntellektýaldyq kóshe jaryǵyn, «Aqyldy mektep» jobasyn jáne t.b. júzege asyrǵylary keletin qyzyqty ıdeıalaryn usyndy.
You Might Also Like
-
Jıyrma bes degen – jalyndy dáýren shyryny, Jıyrma bes degen – dúnıeniń dúrmek qyzyǵy. Boıdaqtyǵyń da qala almas boıyń tasalap, Quryq bop túser arýdyń bulǵaq burymy.
-
Qylyǵymen kúldiretin apasyn, Týǵan kúniń qutty bolsyn, balashym. Eliń syılar azamat bop keleshek, Qýantarlyq mamasy men papasyn. Aqyldy bop nemeresi atańnyń, Baqyty bol shóberesi ájeńniń, Tiliń ...
