InfoHub Logo

Maqsaty:
Bilimdilik: Jyl mezgilderi týraly uǵymdaryn keńeıtý;
Damytýshylyq: Aqyl - oıyn, sóıleýin tilin damytý.
Tanymdyq: Tabıǵat sulýlyǵyn sezine bilý, qamqorlyq kórsetýge tárbıeleý.

UOİÁ - niń barysy:
(Balalar sappen zalǵa kiredi)
T: Káne balalar qonaqtarmen amandasaıyq!
Shattyq sheńberi:
Kúnniń kózi ashylsyn!
Kókke shýaq shashylsyn!
Qutty qonaq kelipti,
Tórimizge enipti,
Sálemetsizderme qonaqtar!
T: Balalar neshe jyl mezgili bar?
B: Tórt jyl mezgili bar.
T: Qandaı?
B: Qys, Kóktem, Jaz, Kúz.
T: Durys aıtasyńdar balalar! Endeshe óz tústerimizge baryp otyra qoıaıyq!
(Qys kók tús) Nurbaqyt, Asylaı, Móldir.
(Kóktem jasyl tús) A Nurgúl, Alına, Adınaı.
(Jaz qyzyl tús) Toǵjan, Nuraly, Nurgúl
(Kúz sary tús) Darıa, Álibı, Dılnaz.
T: Endeshe balalar káne kózimizdi jumaıyq (mýzyka estiledi)
(osy kezde tárbıeshi sıqyrshy kıimin kıip alady)
Balalar qarańdarshy meni sıqyrshy sıqyrlap ketti. Men endi sıqyrshymyn, mine sıqyrly taıaqsham bar! Men senderge sıqyrymdy kórsetpes buryn bir jumbaq jasyramyn! Sender muqıat tyńdap sheshýin tabyńdar!
Jumbaq
Aıaz qysyp, órnek syzyp,
Terezeni torlaıdy.
Qarǵa ombyǵyp,
Bet dombyǵyp,
Syrǵanap jastar oınaıdy.
Bóbekterim aıtyńdarshy
Bul qaı kezde bolady?
B: Qys mezgilinde
T: Jaraısyńdar, bul qys mezgili eken!
Endeshe men sıqyrly taıaǵymmen sıqyr jasaımyn.
(sıqyrmen «qys» mezgiliniń slaıd kórsetiledi)
T: (Slaıd boıynsha qys mezgilinde bolatyn qubylystar túsindiriledi)
Káne kim qys týraly aqpaq biledi?
Nurbaqyt: Aınalamda ushyp júr,
Aq mamyq qar sebelep.
Qalt qult etken beıne bir,
Aq qanatty kóbelek
T: Rahmet, Nurbaqyt!
T: Balalar men senderge taǵy bir jumbaq jasyramyn sheshýin tabasyńdar ma?
Jumbaq
Qar muz erip, sý kóbeıip,
Saı salaǵa tolady.
Búrshik jaryp, jaryq ashyp,
Gúl báısheshek basady.
Bóbekterim aıtyńdarshy
Bul qaı kezde bolady?
B: Kóktem mezgilinde.
T: Jaraısyńdar endeshe men senderge taǵy bir sıqyr kórseteıin.
(sıqyrly taıaqshamen kóktem slaıdy kórsetiledi)
T: Kóktem týraly kim taqpaq aıtady?
A Nurgúl: Kóktem qandaı kóńildi,
Kókten jańbyr tógildi.
Jyrshy qustar kóp keldi,
Gúlder japty bókterdi.
T: Óte jaqsy Nurgúl rahmet!

Jumbaq
Órik alma,
Jıdek júzim pisedi.
Qaýyn qarbyz,
Qıar, sábiz dúkenderge túsedi.
Astyq pisip, oraq túsip,
Qyrman dánge tolady.
Bóbekterim aıtyńdarshy
Bul qaı kezde bolady?

B: Jaz mezgilinde.
(Slaıd arqyly jaz mezgiliniń qubylystary kórsetiledi)
Taqpaq
Toǵjan Jazdy ystyq súıemin,
Saırańdap júremin.
Sýyna shomylam,
Kúnine kúıemin.
T: Óte jaqsy rahmet Toǵjan!
Balalar men senderge qoıatyn sońǵy jumbaǵym bar sender sheship kórińder.
Jumbaq
Bulttar tónip, jerge tógilip,
Dymqyl tuman basady.
Shóp sarǵaıyp, óńi taıyp,
Dala nury qashady.
Oınaı almaı,
Deneń muzdap tońady.
Bóbekterim aıtyńdarshy
Bul qaı kezde bolady?
B: «Kúz» mezgilinde.
T: Durys aıtasyńdar, jaraısyńdar! Endeshe men senderge sıqyr kórsetemin.
(Slaıd arqyly kúz mezgili sýretteri kórsetiledi, túsindiriledi.)
Taqpaq
Darıa: Oı balalar, balalar,
Qońyrqaı kúz bolypty.
Qýrap japyraq solypty,
El eginin orypty.
T: Rahmet Darıa.
Balalar sender jyl mezgilderinde bolatyn qubylystardy kórdińder, bildińder, endeshe balalar kózimizdi jumyp, mine taǵy bir sıqyr kórsetemin.
(Balalar kózderin jumyp otyrady)
T: Balalar qarańdarshy men sıqyrly taıaqshammen sharalardy ushyryp ákeldim. Bul sharlar jáı shar emes sıqyrly sharlar. Men bul sharlardy sıqyrladym. İshinde ne jasyrynǵan kórgileriń keledi me?
(Shar jarylady, ishinen oıyn tapsyrmalar shyǵady)
Oıyn tapsyrma: «Óz belgińdi tap!»
Oıyn sharty túsindirilip oınatylady.
(Ekinshi shar jarylyp qımyldy oıyn shyǵady)
Qımyldy oıyn: «Qubylystardy kórset»
Jel turdy gýildep,
Aǵash bitken ýildep.
Aspandy bult torlady,
Naızaǵaılar oınady.
Jańbyr jaýdy sebelep,
Kempir qosaq kórindi.
Jarqyraǵan kún shyqty.
(qımylmen kórsetiledi)
Qortyndy: Balalar mine bizdiń búgingi UOİÁ - miz tańǵajaıyp sıqyrly boldy.
Sender ne kórdińder? Neni bildińder?
(Balalar óz oılaryn aıtady)
Endeshe balalar osymen oıynymyz aıaqtaldy. Qonaqtarmen qoshtasaıyq!