InfoHub Logo

Qojeke Muqyr, Jyrǵalań degen jerlerdi mekendep júrgen eken. Bir kúni Qasymbaı degen ustamen birge Muqyrdyń qalyń ormanynan otyn alýǵa barady. Tańerteńgilik mezgil bolsa kerek. Aǵash butaǵyna qonyp otyrǵan bulbul torǵaı quıqyljytyp saıraı jóneledi. Bulbuldyń san qubyltyp saıraǵan ásem únine elitken bular alatyn otyndaryn umytyp, áýenge qyzyǵa tyńdap otyryp qalady. Álden ýaqytta Qasymbaı:

— Shirkin, myna bulbul daýysynyń jaǵymdysyn-aı. Únin dombyraǵa salyp alar ma edi? Túsire alasyń ba? — dep suraıdy Qojekeden.

— Dombyra bolǵanda, túsirmeı nesi bar? — deıdi Qojeke.

— Ondaı bolsa, dombyrany men jasap bereıin, — dep, Qasymbaı ormannan qýraǵan qaraǵaı ala qaıtady da, úıine kelgen soń dombyra shaýyp jasaıdy. Qýraǵan qaraǵaıdan qaqpaq salady. Taý eshkisiniń isheginen ishek esip taǵady. Qojeke sol dombyrany qolyna alǵanda, kókeıine tańdaǵy saıraǵan bulbul torǵaıdyń quıqyljyǵan úni oralypty.

 

---