InfoHub Logo

Jyl saıyn Halyqaralyq tutynýshylyq elektronıkalarynyń kórmesinde (TEK) avtokólik stendteriniń sany artyp keledi. Bul kólikterdiń tek tasymal quraly ǵana emes, naǵyz gadjetterge aınalyp bara jatqanyn bildiredi. Bul kórmeniń jaryq juldyzy qytaıdyń elektr kúshimen qozǵalatyn, óndiriske daıyn krosover - Byton jobasy boldy. 

Byton konsept

Byton — bul BMW-niń burynǵy jumysshylary negizin qalaǵan kompanıa. Barlyq daıyndyq jumystary Múnhende júrgizilgenimen, óndiris Qytaı eline júktelgen.  Árıne, dál qazir eshqandaı óndiris jolǵa qoıylǵan joq. Alaıda, ony 2019-jyly iske qosýǵa ýáde berdi. Sol kezden bastap ol Qytaıda satylymǵa shyǵa bastaıdy. Krosoverdiń ózi artqy jelimen, jalpy qýaty 272 l/s elektrqozǵaltqyshymen jáne 400 shaqyrym qosymsha júrý batareıasymen jabdyqtalǵan. Aqshasyn artyǵyraq tólegen krosoverdiń bolashaq qojaıyndary kólikterin tolyq jelimen, qýaty 476 l/s qozǵaltqyshpen jabdyqtap jáne qosymsha júrý mólsherin 520 shaqyrymǵa arttyra alady. Byton-nyń kez-kelgen nusqasynda tez qýattaǵysh bolady. Ol 35 mınýtta avtokólikti  80%-ǵa deıin qýattap beredi.

Gadjet deýge de bolady

Avtokólik syrtynan zamanaýı ári tartymdy kórinedi. Biraq, eń bastysy – onyń ishinde. Júrgizýshiniń ádettegi basqarý elementteri bolmaıdy, ol kólikti burynǵydaı júrgizbeıdi. Onyń ornyna salonnyń búkil enin alyp turǵan, úlkendigi 40 dúımdik ekran bolady. Rólde tetikterdiń ornyna «alynyp-salynatyn» planshet bolady. Biraq, bul element týraly áli naqty sheshim shyqqan joq. Biraq, úlken dıspleıdi bolatyny anyq. Krosoverdi basqarý úshin BytonLife júıesi qoldanylady. Ol júrgizýshiniń barlyq baptaýlaryn jadyna saqtap alyp, bulttyq qoımaǵa júktep qoıady. Osylaısha, ár júrgizýshi óz baptaýlaryn kompanıanyń kez-kelgen avtokóliginde paıdalana alady.  Onyń ústine, kólik ishinde úlken panoramalyq shatyr, vırtýaldy aına, adamnyń bet-álpetin tanıtyn ishki kamera men ózgerip turatyn salon bolady.

Baǵa máselesi

Satylym 2019-jyly Qytaıda bastalady. 2020-jyly kompanıa AQSH-qa barady. Krosoverdiń negizgi nusqasy 45 000 dollar turady. Birinshi satyp alýshy úshinshi býynnyń daıyn avtopılotyna ıe bolady. 2021-jyly kompanıa tórtinshi býyndy avtopılotpen jańartylǵan nusqasyn shyǵarady. Endi tek Byton bastaǵan isin sońyna deıin jetkizip, Faraday Future-ge aınalady dep úmitteneıik.

---