InfoHub Logo

Sabaqtyń taqyryby: D dybysy jáne árpi.
Bilim berý salasy: «Komýnıkasıa»
Uıymdastyrylǵan oqý - is áreketi: Saýat ashý negizderi.
Sabaqtyń maqsaty: D dybysy jáne onyń árip tańbasymen tanystyra kelip, d dybysy bar sóz, sóılem oılap tabýyna nazar aýdarý. Balalardyń tildik, sózdik qoryna mán berip, oılaý qabiletterin, qıalyn damytý (býyn, sóz quraý, jumbaq aıtý). Jazýǵa qoldaryn jattyqtyrý.
Damytý oıyndaryn paıdalanyp eńbektenýge tárbıeleý.
Kerekti quraldar: kespe áripter, árip tańbasy, teksheler, taqyrypqa saı sýretter, dombyra, dop, dápterdi paıdalaný.
Ádisi: Suraq - jaýap, túsindirý ádisterin qoldaný.

Oqý is - áreketiniń barysy:
İ. Balalardy uıymdastyrý kezeńi.
Balalar shattyq sheńberine turyp, bir - birlerine jyly lebizderin bildiredi.
- Balalar, qazir jyldyń qaı mezgili?
- Qaı aı?
- Aptanyń qaı kúni?
- Balalar, biz ótken oqý is - áreketindegi dybys týraly ne biletinderimizdi eske túsirip kóreıikshi.
– Dybys degenimiz ne?
- Dybystar neshege bólinedi?
- Daýysty, daýyssyz dybystardy qandaı tekshelermen belgileımiz?
- Dybysty biz ne isteımiz?
- Iá, dybysty biz estımiz.
- Al, árip degenimiz ne?
- Árip degenimiz - dybystardy tańbalaý.
- Iá, áripti kóremiz, jazamyz, oqı alamyz.
– Al, balalar, men senderge jumbaq jasyramyn.
Sol aıaq pen oń aıaq
Kezek ony tebedi.
Ol tynymsyz domalap,
Zyr júgire beredi. (dop)
- Balalarǵa dopty kórsetip, búgin sabaqta D dybysymen tanysatyndaryn aıtý.
Taqtadaǵy sýretterdiń ataýyn aıtqyzyp, qandaı dybystan bastalyp turǵanyn suraý.
– Mynaý neniń sýreti? (dombyra)
- Dombyra degen sóz qaı dybystan bastalyp tur?
- Al, mynaý neniń sýreti? (dápter)
- Dápter degen sóz qaı dybystan bastalyp tur?
D dybysynyń baspa túrimen tanystyrý. Aýada jazǵyzý.
- Qánekeı, balalar, kespe áripterdiń arasynan D dybysyn taýyp kóreıik. Qandaı belgimen belgileımiz, daýysty ma, daýyssyz ba?
Balalar kespe áripterdiń arasynan D dybysyn taýyp, daýyssyz dybys ekenin aıtyp, kók tekshelerin kórsetedi. Dápter, dombyra, velosıped sózderin alaqanmen shapalaq ura otyryp býynǵa bóledi.
- Dombyra sózi neshe býynǵa bólinedi? (Dom - by - ra)
- Dápter sózi neshe býynǵa bólinedi? (Dáp - ter)
- Velosıped sózin býynǵa bólý. (Ve - lo - sı - ped)

Sergitý sáti:
Bir, eki, úsh
Jınap alyp kúsh.
Qolǵa qalam alamyz,
D dybysyn jazamyz.
Til ustartý jattyǵýy.

Laqtyrdym da áýelep,
Qaǵyp alyp: «op»,- dedim.
Jerge soqtym, sekeń qaqsy
Dop dep ataımyz biz ony.

Dıdaktıkalyq oıyn: «Oılan, tap»
Sharty: Alma aǵashynda ilinip turǵan almalardy jınap sebetke salý. Ol úshin balalar ózderi alǵan almaǵa ilingen sýretter ataýyn taýyp, sózderdi býynǵa bólý kerek.
Mysalyǵa: doǵa, dombyra, dápter, dop, bıdaı, velosıpedtiń sýretteri. (do - ǵa, dom - by - ra, dáp - ter, dop, bı - daı, ve - lo - sı - ped)
Jazý jumysy. Úlgi boıynsha d árpiniń baspa túrin jazǵyzý. Ótken dybystarmen d dybysyn qatystyryp, býyn, sóz qurastyrtý. Hormen qaıtalatyp, dápterdegi sózderdi, býyndardy oqytý.

Qorytyndylaý.
Dıdaktıkalyq oıyn: «Dúken»
Sharty: balalardyń arasynan «Satýshy» saılanady. Balalar satýshydan dop, dombyra, dári, dáke t. b satyp alý kerek. Ol úshin oıynǵa qatysýshy bala ózine unaǵan zattardyń ataýyn aıtady jáne oǵan dybystyq taldaý jasaıdy.
Sońynan balalar taqta aldynda áripterdi taýyp tekshemen dop, dombyra, dári, dáke sózderin jazady.
Oqý is - áreketi suraq - jaýap ádisi arqyly bekitiledi.

Nátıje:
Bilý: D dybysy jáne árpi.
Igerý: Balalardyń tildik, sózdik qoryna mán berip oılaý qabiletin, qıalyn damytý.
Meńgerý: D dybysyn jaza bilýge meńgertý.

SHQO, Aıagóz qalasy,
«№4 aralas jalpy orta bilim beretin mektep» KMM
Mektepaldy daıarlyq toby muǵalimi
Jýmasheva Darıga Askerbekovna