InfoHub Logo

Qosh keldiń, áz Naýryz!
Maqsaty: Naýryz meıramy týraly túsinik berý arqyly Qazaq halqynyń salt-dástúrin kórsetý jáne ony qurmetteı bilýge tárbıeleý.
Kórnekilikter: Ulttyq qazaqı buıymdar: sandyq, asyq, kórpe, dombyra, qamshy, ulttyq dastarhan.
Zaldy merekege saı bezendirý.
Muǵalim: Armysyzdar ustazdar, ata - analar, balalar, qonaqtar! Bárimizdiń asyǵa kútken Naýryz merekesi kelip te jetti. Merekelerińiz qutty bolsyn! Naýryz -«jańa kún» degen sóz. Naýryzda aýyl aralap kórisý úsh kúnge sozylǵan. Sol kúnderi árbir otbasynyń dastarhanynan kójesi, dámi úzilmegen, esigi ashyq, qabaǵy jaıdary bolǵan. Ulystyń uly kúni qutty bolsyn!

Án: «Qazaqı dastarhanym»
Muǵalim:
Shilik bolyp búrlenip
Dala ásem túrge enip.
Masaırady bar álem,
Qutty jańa jyl kelip.
Basy barlyq yrystyń,
Qutty bolsyn, Naýryz toı -
Uly kúni ulystyń!
Uly kúnde halaıyq,
Qalaı qarap qalaıyq?
Sáıgúlikteı aǵaıyq,
Jasyn bolyp janaıyq.
Ortamyzǵa shaqyryp,
Babamyzdy Qyzyrdaı,
Aq batasyn alaıyq.
Qyzyr ata ortaǵa shyǵady.

Serik Islam:
Ulys oń bolsyn,
Aq mol bolsyn.
Qaıda barsań jol bolsyn!
Tórt túlik aqty bolsyn,
Ulys bereke bersin,
Bále - jala jerge ensin.
Áýmın...
Muǵalim:
Shashý! shashý! shashý!
Kóp shashaıyq shashýdy,

Jaýǵandaı kep aspannan nóser jańbyr.
Ýa, jamaǵat, terip al nesibeńdi.
Rızyǵy bolsyn kól - kósir.
Shashýdy shashý.
Muǵalim:
Ýa, halaıyq, turmaıyq
Ándetip jyrlaıyq!
Ortamyzdy ashaıyq
Yrys tilep bul jylǵa
Taqpaqtan shashý shashaıyq.
Balalardyń taqpaǵy.
Muǵalim: - Naýryz aıy – Shyǵys kún esebi boıynsha jyldyń alǵashqy aıy. Bul aıda jyldyń alǵashqy aıy esebinde kún men tún teńeledi, sol sebepten Naýryz jyl basy bolyp sanalady eken.
Muǵalim:
Bı dese buralǵan,
Bizdiń toptyń ul - qyzdary.
Qazaq áýenin terbetip,
Barlyq jandy qýantqan - deı
kele ortamyzǵa «Qamajaı» bıimen qyzdarymyzdy shaqyramyz.
Bı «Qamajaı» qyzdar toby
Muǵalim:
Kúı nóserin tógeıik,
Jyrdan monshaq tizeıik.
Ýa, halaıyq, al endi
Ánge kezek bereıik.
Án «Merekem» oryndaıtyn Aıbúbú
Muǵalim:
Naýryz toıy - eldiń toıy,
Kóktem toıy - tóldiń toıy.
Án aıtatyn bı bılep,
Jaqsy kórem Naýryz toıyn!
«Qara jorǵa» bıimen ortaǵa uldarymyzdy shaqyraıyq.
Muǵalim:
Qulaqtan kirip boıdy alar,
Ásem án men tátti kúı.
Kóńilge túrli oı salar,
Ándi súıseń menshe súı - deı kele kezekti
«Kóktem» ánimen Erkejandy ortaǵa shaqyraıyq.
Muǵalim:
Óneriń bolsa qolyńda,
Ónerliniń yrysy.
Jarqyrap jatar jolynda,
Án salyp, bı bılep,
Ónermen órge basyp kidirmeıik.
Bı « Ózbek bıi»ortaǵa Arýaıdy shaqyraıyq.
Muǵalim: Qazaq halqy erte zamannan salt - dástúrge, ádet - ǵurypqa, ulttyq oıyn túrine baı halyq. Salt - dástúrdi myqty ustaǵan halyq. Salt - dástúrimizge qyz uzatý, besikke bóleý, tusaý kesý kirse, ulttyq oıyndarymyzǵa asyq atý, saqına tastaý, aq súıek, arqan tartý, qyz qýý oıyndary jatady eken.
Oıyn: « Qyz qýý»
Sharty: Oıynǵa bir ul, bir qyzdan qatysyp otyrady. Ul bala qyzdy qýyp jetse betinen súıedi, jete almaı qalsa, qyz jigitti qamshymen urady.
Muǵalim:
Estigen jurt tań qala,
Bizde sondaı ánshi bar.
Tamyljytyp án salar - kelesi kezekti «Qýyrshaq» ánimen Darıany ortaǵa shaqyraıyq.
Án «Qýyrshaq»
Muǵalim:
Ánim de saǵan, bıim de
Qut qonaq óziń úıimde.
Qýanysh syılar elime,
Kúlimde Naýryz kúlimde.
Bı «Ispan bıi» Elnaz
Muǵalim: «Arqan tartyspaq» oıyny kóneden kele jat - qan oıyndardyń biri bolyp tabylady. «Arqan tartyspaq» oıyny bala densaýlyǵyna kóp paıdaly. Kúshtilikke, ustamdylyqqa, shydamdylyqqa tárbıeleıdi.
Oıyn «Arqan tartyspaq»
Muǵalim:
Naýryz - shyr aınalǵan jyldyń basy,
Adamnyń ólshenedi ómir jasy.
Qazaqtyń peıiline, jarasady
Ár úıde dastarhanǵa tolǵan asy.
Ata - analardyń tilegi.
Muǵalim:
Baq darysyn bárińe!
Oı qosylsyn oıyńa.
Boı qosylsyn boıyńa!
Aman esen jeteıik,
Keler Naýryz toıyna!
Osymen merekelik erteńgiligimiz máresine jetti.

SHQO, Aıagóz qalasy,
«№4 aralas jalpy orta bilim beretin mektep» KMM
Mektepaldy daıarlyq toby muǵalimi
Jýmasheva Darıga Askerbekovna