InfoHub Logo

Ápendi bazarda dúken ashyp, manty satady. İsi ońǵa baspaı, paıda da túspeıdi. Tipti Ápendi salyqty da ýaqtyly tóleı almaı, ákimder kelip, áı-shaı joq dúkendi jaýyp tastapty. Aıypty tólep bitkenshe, jarty jyl ótedi.

— Búginnen bastap saýda jasaýǵa ruqsat etemiz. Sonyń qurmetine bizge jaqsylap manty jasap ber! — deıdi ákimder kelip.

Dúkendi ashyp, ishke kirgen Ápendi alty aı buryn daıyndalǵan mantysy bar qazannyń astyna ot jaǵady. Mantyny tosyp ákimder otyr. Qazandaǵy sý qaınaı salysymen Ápendi mantyny shaqyrylmaǵan qonaqtarǵa beredi. Ary-beri shaınap bet-aýzyn tyrjyńdatqan olar:

— Eı, qymbattym, mantyń pispegen be, nemene? — deıdi.

— Ǵafý etińiz, — depti sonda Ápendi. — Oshaqtyń ústinde jarty jyl boıy turǵan mantynyń pispeýi múmkin emes.

 

---