InfoHub Logo

Birde Qojanyń qaltasynda nan alýǵa aqshasy qalmapty. Áıeli eń sońǵy ıirilgen jibin satyp, nan alýǵa Qojaǵa beredi. Qoja jipti bazarǵa alyp kelip, ary-beri júrip, eshbir alýshyny kezdestire almaıdy. Nan alýǵa jetetin aqshaǵa da ótpepti. Qoja ashýlanyp: «Bul saýdagerlermen saýdagershe sóılespese bolmas» — deıdi. Ol túıeniń qý basyn taýyp alady da, ony jippen orap, sosyn bazardy aralaı bastaıdy. Satýshylardyń biri Qojanyń úlken orama jipti satqaly júrgenin kórip, ózine shaqyryp alady. Satýshy mynadaı úlken orama jipke az aqsha berse de, Qoja saýdalasyp jatpaıdy.

Dúkenshi kúdiktenip:

— Qoja, myna oramalda jipten basqa eshteńe joq pa? — deıdi.

— Bar, — deıdi Qoja, — onyń ishinde túıeniń basy bar.

Dúkenshi Qoja qaljyńdap tur eken dep oılaıdy, al Qoja bolsa, aqshany alyp jónine ketedi. Dúkenshi sálden keıin jipti tarqatyp kórse, ishinde shynynda da túıeniń qý basy júr. Kelesi kúni ol Qojany shaqyryp alyp, kinálaı bastaıdy.

— Qoja, munyń uıat emes pe? — deıdi.

— Birinshiden, men saǵan bul jipti aıtqan kezde ishinde túıeniń qý basy bar dedim ǵoı. Satyp almaýyńa bolar edi ǵoı! Ekinshiden, sen óte arzanǵa satyp aldyń, al jiptiń ishinde túıeniń bas súıegi emes, sol túıeniń ózi bolsa da, esh zıan shekpes ediń, — depti Qoja.

---