InfoHub Logo

Damyta oqytý tehnologıasyn qoldaný tıimdiligi (slaıd)

«Bala damýynyń eń sharyqtaý shegi – bul til men oıdyń shyǵarmashylyǵy» (L. S. Vygotskıı)
Prezıdent joldaýynda: «Ulttyń básekege qabilettiligi birinshi kezekte bilim deńgeıimen aıqyndalady» — degen baılamy jeke adamnyń qundylyǵyn arttyrý, ony daıyndaıtyn ustaz jaýapkershiliginiń ósýi, tynymsyz eńbek, sapaly nátıje degen uǵymmen egiz.

Bastaýysh saty – bul oqýshy tulǵasy men sanasynyń qarqyndy damıtyn qundy, qaıtalanbaıtyn kezeńi. Sondyqtan bastaýysh mektep – oqýshyny tulǵa etip qalyptastyrýdyń alǵashqy baspaldaǵy.
Oqytý barysynda jańa tehnologıalyq ádisterdi paıdalaný shákirtterdiń oılana bilý qabiletterin damytady, olardyń bilim sapasyn jaqsartady, oı órisin keńeıtedi, este saqtaý qabiletterin ósiredi. Oqytý men damytý ádisteriniń ekeýi de jeke tulǵanyń qalyptasýyna úlken yqpal etetin mańyzdy aıǵaqtar bolyp sanalady.

Bastaýysh synyp oqýshylaryn oqytýda negizinen damyta oqytý tehnologıasy basshylyqqa alynady. Sebebi qazirgi oqýlyqtar damyta oqytý tehnologıasy negizinde jazylǵan. Sondyqtan árbir bastaýysh synyp muǵalimi «Damyta oqytý» tehnologıasyndaǵy sabaqtyń qurylymyn, ádisnamalyq negizderin tolyq meńgerip, óz is - tájirıbesinde shyǵarmashylyqpen qoldana bilýi tıis.
V. V. Davydov «Damyta oqytý degenimiz – aqyl - oıdyń damýynyń kórsetkishi retinde jınaqtaı, qorytyndylaı alý daǵdysy» — deıdi. Damyta oqytýda balanyń izdenýshilik - zertteýshilik áreketin uıymdastyrý basty nazarda ustalady. Ol úshin bala óziniń osy kezge deıingi biletin tásilderiniń jańa máseleni sheshýge jetkiliksiz ekenin sezinip, sodan baryp onyń bilim alýǵa degen yntasy artyp, bilim alýda áreket jasaıdy.
Damyta oqytý tehnologıasyn qoldaný tıimdiligi slaıdty. júkteý