InfoHub Logo

Adam - jer betindegi tirshilik ıesi, qoǵamnyń basty baılyǵy. Sol adamnyń ómirindegi eń baǵaly dúnıe ne deısiz ǵoı? Qymbat kólik, baǵaly dúnıe, keń saraıdaı úı, aqsha, ómir boıy qaltaly azamat bolyp ótý, múmkin, mansap shyǵar...Joq, adam ómirindegi basty baılyq – onyń Ómiri men Densaýlyǵy. Ómirińdi qaldyryp, densaýlyǵyńdy alsa, adam bolýdan qalasyń. Bizdiń baqytymyzdyń onnan toǵyzy densaýlyǵymyzǵa baılanysty. Halyq aıtpaı ma, «Densaýlyqtyń qadirin aýyrǵanda bilersiń» dep.

Pende bolǵan soń aýyrmaı bola ma. Densaýlyǵyń syr berip, basyń aýyryp, tisiń syzdap degendeı túrli aýrýǵa shaldyǵasyń.Janyń murnyńnyń ushyna kelip qysylǵanyńda, sol bir azaptan qutqaratyn jan izdeısiń.  Ol- dáriger. Naýqastyń janyna jeleý bolyp, em-domyn jasap jatatyn – dáriger. Ol – adam ómiriniń saqshysy. Dáriger ajaldan qoryqpaıdy. Qoryqpaǵany sondaı – onymen aıaýsyz kúresedi, adamnyń qymbat janyn oǵan bermes úshin baryn salady, adamǵa ekinshi ómir syılaıdy.

Iá, túsinemin, dáriger bolý ońaı emes. Bul mamandyq jaıynda osy salanyń bilikti mamandary: «Dáriger mamandyǵynyń qyr-syryn qanyq bilip, anyq sol joldy tańdaý úshin úlken júrek kerek», -deıdi eken.Meniń oıymsha, dáriger bolý úshin júrektilik, shydamdylyq, bilim men biliktilik, asa saqtyq, uqyptylyq, jaýapkershilik, adaldyq, sheksiz meıirimdilik, adamnyń tánin ǵana emes, janyn emdeı alatyn psıholog bola bilý kerek. Eń bastysy, mamandyqty súıý kerek. Tájirıbe júzinde bilimińdi shyńdaýdan jalyqpaý qajet. Árdaıym  izdeniste júrýge daǵdylaný kerek, kúrese bilý kerek. Sebebi dáriger -  kúresker adam. Oryssha aıtqanda, ol – «Bores». Ol jumysyn kúresýmen ótkizedi. Qaterli dertpen kúresedi, ajalmen kúresedi.

Men dáriger mamandyǵyn tańdaǵym keledi. Óz isimniń bilikti de bilimdi mamany bolsam, dárigerlik sheberligimdi úzdiksiz shyńdap, ár naýqastyń dertine daýa, shıpa bola bilsem. Qysylǵan adamǵa bar qyzmetimdi jasasam, jyly sózimmen, aqjarqyn adal kóńilmen syrqattyń jaıyn taba bilsem, janary jáýteńdep kelgen syrqattyń dertin emdesem, ózin mazalaǵan suraqtaryna jaýap bere alatyndaı dárejede bolsam deımin.

---