InfoHub Logo

Týǵan ólke, týǵan jer degende, adamnyń boıy dir eteri anyq. Týǵan jer-ol Otan ana, tarıhyń. Týǵan jer -saıran salyp, kóbelek qýyp, qyzyqty balalyq shaqty ótkizetin jer ǵana emes, ol seniń ótkeniń men bolashaǵyńnyń ushtasýy, seniń bolashaqta oryn tabýyńa áser etetin jaqynyń sekildi. Ár adamnyń týǵan jeri ózine ystyq.

Meniń týǵan jerim Jantemir aýyly. Meniń ol jerde bolashaq tulǵa retinde alǵashqy kirpishterim qalandy. Ol meniń kindik qanym tamǵan jer, ata–babam oryn tapqan jer.Týǵan jer týraly sózben jetkizý múmkin emes. Jantemir aýyly shaǵyn otanym, júregimniń tórinen máńgilikke oryn tepken meken. Bul degenimiz Otanǵa degen mahabbat, súıispenshilik, saǵynysh. Týǵan elden, jerden qıada júrgende Otanǵa degen yqylas, ondaǵy adamdarǵa, dalasy men jýsanyna, tabıǵatyna degen saǵynysh pen mahabbat ystyq bolary aıqyn.      

Elge mańdaıdy tirep, taza aýamen tynysyńdy ashqan kezde, aspanda qalyqtap, qyrandaı samǵap kúı keshesiń.      

Osynsha ulan baıtaq jerdi, aq bilektiń kúshimen, aq naızanyń ushymen qorǵaǵan ata-babalarymyzǵa myń alǵys! Olardyń kóz jasy men tamǵan qandary esh ketpeý kerek. Babalar amanatyna qıanat jasamaı, Otanymyzdy, kindik qanymyz tamǵan jerdi qadirlep, qasterlep, kórkeıtý, bolashaǵyn jarqyn etý men sekildi jas urpaqtyń qolynda. Osyndaı beıbit elde jarqyn ómir súrip jatqan baqytty ulandarmyz.

---