(Ózbek jigitine)
Oıǵa jyr, kóńilge kúı, janǵa tynys,
Aınalań alma-órik, alda qymyz.
Asan atam ańsaǵan Jeruıyǵy,
Jigitim, jaqsy á, bizdiń Almatymyz?
Ásirese maǵan bir unaıtyny -
Alataýdan doly ózen qulaıtyny,
Qulyn-taıdaı tebisken qurbylardyń,
Ázilmenen bir-birin synaıtyny.
Qońyr salqyn aýasy Almatynyń,
(Men ózim Almatynyń soldatymyn).
Saırańdaýǵa kelip tur,ózbek dosym,
Saýyq quryp saıala, al da tynym.
Qymyz ish, qazydan al, tartynbaǵyn,
Taýǵa júr, ózenge tús, salqyndaǵyn,
Ózińniń ózbek babań sekildengen
Umytpa qazaq degen halqyń baryn.
Esińe salatynym taǵy da bir,
Serýende, Almatynyń baǵyna kir.
Kıiktiń laǵyndaı qyzdarymnyń
Janyna janyńmenen jaǵyna bil.
Oıǵa jyr, kóńilge kúı, janǵa tynys,
Aınalań alma-órik, alda qymyz.
Tashkent shárin ózine baýyr tutqan
Jigitim, jaqsy, á, bizdiń Almatymyz?!

---