Dos bolam deseń,
Dosymdy syıla, qymbattym!
Dosyńa sonda,
Dosymmen ǵana qymbatpyn.
Dos bolam deseń,
Mendegi dospen dostasqyn,
Sendegi dospen dos bolyp sonda turmaqpyn.
Dostaryń kóp pe?
Apyraý netken jaqsy ediń?
Dosym az meniń...
Dosym-aý meniń, tapshy emin?
Dostaryńmenen dostastyr meni, asylym,
Dostastyr meni?
Bolaıyn qulyń naq seniń!
Dostyqqa júrmin,
Dostyqqa júrmin qumartyp!
Ólgeli júrmin,
Ózime-ózim min artyp...
Jaýyzdyń baryp, janyna ýázir bolǵannan,
Dostardyń baryp, aýlasynda ólgen myń artyq.
Dosym, saǵan senemin. Senip ótem!
Joly bóten demeımin, jóni bóten.
Dostyq degen - adamnyń kórigi eken,
Dostyq degen aqyldyń serigi eken.
Qyran kúlki-tamasha - bári osynda,
Otyrmyn dýman-toıdyń arasynda.
Bereke boıdan asyp jatqanymen,
Olqy tur kóńilim meniń, nanasyń ba?
Uıytqyp jatyr kóńilde quıyn-daýyl,
Hege sen kele almadyń jıynǵa bul?!
Jyraqqa jalǵyz meni jibermeshi
Janyńa jamanshylyq buıyrmaǵyr!
Áne, jurt ózdi-ózimen, sóılesedi,
Ózimsip: - Eı! - desedi,- óı! - desedi.
Shirkinder-aı, daýryǵyp tyńdar emes!
Esime ap, tost kótertsem, keıde seni.
Sensiz kóńil qashan da hosh turǵan ba?
Sensiz dýman - qyzyqsyz bos qyrmanda.
Ásire oınap qaıtemin, ásire kúlip,
Seniń ornyń qulazyp, bos turǵanda.

---