InfoHub Logo

Aqtóbe qalasy, № 53 orta mektebi
mýzyka pániniń muǵalimi Safına Lıza Kýantaevna

Sabaqtyń taqyryby: Dástúrli kúıshilik óner.
Sabaqtyń taqyryby: Qobyz saryny Yqylas Dúkenuly.
Sabaqtyń maqsaty: Kúıshi ómirinen áńgime shertip, halqymyzdyń ulttyq murasyn jetkizý.
Bilimdilik máni: Kúı tarıhı arqyly oqýshylardyń oı-órisin ósirý, mýzykalyq saýatyn ashý.
Damytýshylyǵy: Kúıdi tyńdata otyryp, ony túsinýge, jetkize bilýge, este saqtaı bilýge baýlý.
Tárbıelik máni: Mýzykalyq ómirmen baılanysy arqyly adamgershilikke tárbıeleý.

Sabaqtyń ádisi: Jańa sabaq, áńgimeleý, taldaý, ándetý.
Kórnekiligi: Vıdıo, aýdıo, magnıtafon taspalary, ánniń teksti, sýrettemeler, kartochkalar.
Pánaralyq baılanysy: Ádebıet, tarıh, jaratylystaný.
Paıdalanǵan oqý - ádistemelik ádebıetter: « Mýzyka» oqýlyǵy 5 synyp «Atamura» baǵdarlamasy.
Avtorlary: A. Jaıymov, B. Ysqaqov, J. Eńsepov, J. Sársembenov.

Sabaqtyń barysy:
- Iá, salamatsyńdar ma balalar ?
Búgingi bizdiń ótetin jańa sabaǵymyzdyń taqyryby: Qobyz saryny Yqylas Dúkenuly.

Yqylas Dúkenuly atadan balaǵa mura bolyp kele jatqan qobyzshylar áýletinen shyqqan. Óz ákesi Dúkende, onyń ákesi Altynbek te asqan qobyzshy bolǵan.
Qorqyttan qalǵan dástúrli qobyz tartýdy qaıta jańǵyrtyp, jandandyrǵan Yqylastyń kúı óneri Ashaı, Áıken, Súgir syndy shákirtteri arqyly jalǵasyn tapty.
Erteden kele jatqan qobyz únin búginge jetkizýshilerdiń biri bolǵan Yqylas – «Aıraýyq», «Aqqý», «Asanqaıǵy», «Erden», «Boztorǵaı», «Qasqyr», «Sarjan tóre», «Shaqyrý» syndy kúıler qaldyrǵan iri kompozıtor.
Mýzykalyq shyǵarmany tyńdaý:
Yqylastyń kúıi «Erden», «Qasqyr», «Aqqý».

Ertede Naıman eliniń Erden degen batyry bolypty. Ol tek batyrlyǵymen ǵana tanylmaı dáýlesker qobyzshy bolǵan desedi. Erdenniń Áımendi degen jalǵyz uly qaıtys bolyp qaıǵy jutyp, qasiret shekken háli búkil Baǵanaly elin daǵdartady.
Kóńil aıtýǵa kelgen Yqylas «Ólimniń joly aýyr ǵoı, ólgenniń artynan ólmek joq, tiri adam tirligin isteıdi» dep, azaly shaqqa qanshalyqty arasha túskisi kelip tórdegi qobyzdy ala salady da shalyp-shalyp jiberedi. Jaı shalmaıdy, úsh kún boıǵy Erdenniń «beý, jalǵyzym, qulynym!» dep kúrsine egilgen sózin sóılete syzady. Qyl qobyz ishegin tarta jylap, azaly jannyń zaryn tógedi.
Yqylastyń osy joly Erden aldynda tartqan kóńil aıtý kúıi el arasynda «Erden» degen atpen tarap ketedi.
Shyǵarmashylyq jumys: № 4 tapsyrma.
Myna kúılerdiń avtorlary kimder ?
1. «Aman bol, sheshem, aman bol»
2. «Topan»
3. «Sylqyldaq»
4. «Qus qaıtarý»
5. «Bes jorǵa»
6. «Saýynshy»
7. «Saltanat»
8. «Erden»
9. «Jelmaıa»
10. «Kóńil ashar»

Daýys ashý jattyǵýlary:
* Ándi baıaý, oılana, tyńdap, sózin anyq aıtýǵa tyrysamyz.
* Mátinine kóńil ból, án ne týraly aıtylýda?

Ándetý: Qobyzym áni

Qaraǵaıdyń túbinen
Qaıyryp alǵan qobyzym.
Úıeńkiniń túbinen
Úıirip alǵan qobyzym.
Aqqaıyńnyń bezinen
Aıyryp alǵan qobyzym.
Qara emendi qaq jaryp,
Oıyp alǵan qobyzym. O-o-o-o.

Ortekeniń múıizin
Tıek qylǵan qobyzym.
Jelmaıanyń terisin
Shanaq qylǵan qobyzym.
Qylquıryǵyn tulpardyń
Qıaq qylǵan qobyzym.
Aq túıeniń sútine
Shylap alǵan qobyzym. O-o-o-o.

Qaraǵaıdy qozdatyp,
Bulap alǵan qobyzym.
Qulaǵyńdy buraıyn,
Qıaq shalyp synaıyn.
Oılaǵanym bolmasa,
Qaıyryp jerge uraıyn!-

Qorytyndylaý:
* Yqylas kim?
* Ol qandaı aspapta oınaǵan?
* Yqylastyń qandaı kúıleri bar?
* «Erden» kúıin kimge arnaǵan?
* «Qobyzym» ánin taldaý.

Baǵalaý: «5» - «4» - «3» -
Úıge tapsyrma:
Yqylas Dúkenulynyń shyǵarmashylyǵyn áńgimeleý.
№ 4-shi tapsyrmany oryndaý.
«Qobyzym» ánin jatqa ándetý.
Tyńdaǵan mýzykalyq shyǵarmalarǵa sýret salý.