InfoHub Logo

Qyzylordalyq 12-synyp oqýshysy Álıhan Shákiman jel generatorynyń 3D-úlgisin oılap tapqan. Bul týraly búgin Májilistegi Úkimet saǵatynda QR Aqparat jáne qoǵamdyq damý mınıstri Dáýren Abaev aıtty.

«10-synyp oqýshysy Álıhan Rahmetov kózi kórmeıtin jáne nashar kóretin adamdarǵa arnalǵan «aqyldy» taıaq oılap tapty. Taıaqtaǵy arnaıy sensorlar kedergilerdi qashyqtyqtan anyqtap, sıgnaldy dınamıkke jiberedi. Ol óz kezeginde 4 myń gers jıiligimen dybys shyǵarady. Tipti qaladaǵy shý arasynda da anyq estiledi», - dedi mınıstr.

Al, qyzylordalyq 12-synyp oqýshysy Álıhan Shákiman jel generatorynyń 3D-úlgisin oılap tapqan. Onyń qurylysy balamaly energıany tıimdi paıdalanýǵa múmkindik beredi. Óndirilgen elektr qýaty tutas shaǵyn aýdandy qamtamasyz etýge jetkilikti.

«Aqtóbelik oqýshy Nurdáýlet Taýmergenov mylqaý kisilerge arnalǵan qolǵap oılap tapty. Ol telefondaǵy arnaıy baǵdarlama arqyly ısharatty aýyzsha sóıleý tiline aýdarady. Eger eki qolǵapty qoldansańyz, 1 024 sózdi sıntezdeýge bolady. Mundaı balalar kóp. Olardy tárbıelegen óz elimizdiń azamattary, olar – memlekettik saıasattyń, Elbasy saıasatynyń, Prezıdent saıasatynyń nátıjesi jáne olar óz elin súıedi. Sondyqtan bizdiń jobalarymyz jumys istep, nátıjelerin berýde. Jastar jyly – bul memlekettiń óz bolashaǵyna qosqan úlesi jáne bizdiń balalarymyz, jasóspirimderimiz osy joldaǵy barlyq shyǵyndardy eselep qaıtaratynyna, úmitimizdi aqtaryna senimdimin», - dedi Dáýren Abaev.

---