InfoHub Logo

Bizdiń oqytýshylar bólmesindegi bosaǵaǵa ornatylǵan úlken aınany unatpaýshy edim. Biraq, barlyq oqytýshylardyń sabaqqa kirer aldynda únemi osy aınanyń aldyna kelip, jaǵalaryn túzep, shashtaryn taraıtynyn baıqadym.

Bir retki jınalysta dırektordyń sózi meniń osy aınaǵa degen kózqarasymdy ózgertti. Ol bylaı dedi:
- biz demalys bólmesine aına ornatyp qoıdyq, munymyz birden ár - bir ustazdarymyzdyń kıimdi retti de taza kıip, ashyq - jarqyn júrýin úmit etkenimiz, bul ustazdarǵa qoıatyn negizgi talap; endi birden biz.....

Meńgerýshi uzaq bir tynystap kidirip aldy da, sózsiz aqyryn qaıta jalǵady:
- Ustazdarymyzdyń budan bylaı kóńilsizdikti osy araǵa tastap ketýin, áste synypqa alyp kirmeýin ótinemin.
Osydan keıin ol bizge mynadaı bir ýaqıǵany aıtyp berdi.
Bir joly ol bolmashy bir iske bola kúıeýimen urysyp qalypty da, sol betinshe sabaq ótkeli synypqa kirip ketipti.

Sol kúni onyń kóńil - kúıi nashar edi, taqtaǵa jazý jazǵanda da kóp ret qatelesti, mundaı aǵattyq onyń basynan buryn-sońdy ótpegen-di - onyń jaýapkershiligi men bilim berý pozısıasyn tamam jurt tegis biletin. Ol taqtaǵa jazý jazyp bolyp artyna burylǵanda, bir qyz oqýshynyń basyn tómen salyp, qolyndaǵy dóńgelek aınaǵa qarap otyrǵanyn baıqap qaldy, ádettegi kún bolsa, ol sabaqty toqtatyp qoıyp, qyz oqýshyǵa kóz ısharaty arqyly onyń qateligin bildirgen bolatyn edi, biraq, búgin olaı bolmady. Ol álgi oqýshynyń qasyna jetip bardy da, ony jazǵyra, ursyp tastady, dál osy kezde, ol abaısyzda ústel ústinde jatqan kishkentaı dóńgelek aınadan óz júzin kórip qaldy, ol qandaı álpettegi keskin deısiz. ádette sondaı jyly júzdi, sabyrly da salmaqty sulý júzdi yza kernep alypty. Muny kórip ol, beıne, bireý tóbesinen urǵandaı turdy da qaldy.

- Eń abzaly kóńilsizdikti demalys bólmesine tastap ketelik, óıtpegende.......
Synypta oqytýshynyń meıirimi men súıispenshilikke toly kúlki úıirilgen júzi oqýshylarǵa árqandaı telegeı - teńiz biliminen de tez áser etedi.
Keıbir aına tek syrtqy turqymyzdy túzeýge kómektesip qana qalmastan, ishki kóńil kúıimizdi de saqtalǵan daqty da kórsete alady - Oqytýshylardyń demalys bólmesindegi aına, áne, sonyń bir mysaly.