InfoHub Logo

Densaýlyq kúnine arnalǵan «Kóńildi estafetalar» oıyn - saýyq keshi
Maqsaty: Balalardyń kóterińki kóńil - kúıin týǵyzý. Balalardyń denesin shyńdap kúsh - qýatyn nyǵaıtý, shapshańdyqqa, eptilikke tárbıeleý. Balalardy oıyndar arqyly aqyl - oıynyń tolysyp ósýine yqpal jasaý. Jarys kezinde oıynǵa qyzyǵa qatysýyna jaǵdaı jasaý, bir - birine dostyq qarym - qatynastaryn damytý. Deneshynyqtyrý sabaqtaryna qyzyǵýshylyǵyn arttyrý. Dene tárbıesi prosesterindegi saýyqtyrý mindetterin júzege asyrý.

Qajetti quraldar: Zal ishi merekege saı bezendirilgen, túrli - tústi jalaýshalar, urandy sózder jazylǵan plakattar, densaýlyqqa baılanysty maqal - mátelder, estafetalyq zattar, eki top jetistigin kórsetetin sandar.
Mýzyka oınalyp, qyzdar ortaǵa ártúrli qımyldar jasap, bılep shyǵady.
Júrgizýshi: Qurmetti áriptester, balabaqsha tárbıelenýshileri jáne sport súıer jankúıer qaýym. Búgin №7 «Baldyrǵan» balabaqshasynda tárbıeshiler men tárbıelenýshi balalardyń qatysýymen «Salaýatty ómir saltyn qalyptastyrý» maqsatynda psıholog pen dene tárbıesi jetekshisiniń uıymdastyrýymen eki top arasynda merekelik saýyqtyrý is - sharasyn ótkizgeli otyrmyz.
Balalardy salaýatty ómir saltyna baýlý arqyly densaýlyǵyn saqtaý, nyǵaıtý, deneshynyqtyrýdyń rolin kóterý. Adam aǵzasyna zıandy áreketterden arylý, alastaý. Egemendi elimizdiń erteńgi densaýlyǵy myqty azamattar men azamatshalardy tárbıeleý bizdiń mindetimiz.
Mine, búgin balabaqshanyń tárbıeshileri men tárbıelenýshileriniń qatysýymen ótkeli otyrǵan «Densaýlyǵy sábıdiń – qýanyshy ár úıdiń» atty merekelik saýyqtyrý is - sharasyn bastaýǵa ruqsat etińizder.
Marsh oınalyp, balalar tórt qatarǵa bólinip zalǵa kiredi.
A) Doppen bı oryndalady;
B) Lentamen yrǵaqty qımyldy bı.
Saıysqa qatysýshy eki topty ortaǵa shaqyrady.
1. «Namys» toby oń ıyqpen ońǵa buryl
2. «Jiger» toby sol ıyqpen solǵa buryl
Ánuran oınalyp, elimizdiń týy kóteriledi.

Eki komandanyń sálemdesýi
1. Ushaqtan da ushqyrmyz
Jelden de ozǵan júırikpiz
Jarysýǵa sendermen
Kelip turǵan myqtymyz
«Namys» tobynan «Jiger» tobyna jalyndy sálem!

2. Kelińizder, kelińizder
Bul jarysty kórińizder
Bizde bári júırikter
Kúsh synasar alyptar
«Jiger» tobynan «Namys» tobyna jalyndy sálem!

Estafetalyq jarys túrleri:
1. Jalaýshany alyp, mejeni aınala júgirip kelý
2. Tarelkaǵa salynǵan dopty qulatyp almaı, mejeni aınalyp júgirip kelý
3. Tórt aıaqtap júgirý (eki aıaq, eki qolmen)
4. Balyq aýlap, sebetke tasý
5. Artpen júgirip, qaıtarda qaıtarda júrelep júgirý
6. Túrli - tústi doptardyń ishinen eki komanda kók jáne sary tús doptardy terip alyp kelý.
7. Topty eki tizeniń arasyna qysyp júgirý
8. Arqan tartys
9. Oıyn «Taqıa tastaý»

Balalardy demaltyp, kóńilderin kóterý úshin án aıtylyp, bı bılenedi.
Án: «Bala tilegi». Oryndaıtyn Áset
Bı: «Men qazaqpyn»
Ádilqazylar alqasy jeńimpaz toptarǵa madaqtaý jáne syılyqtar tapsyrady.
Qurmetti qonaqtar, sport jankúıerleri! Búgingi estafetalyq jarysymyz osymen aıaqtaldy. Búgingi jarysqa qatysqan búldirshinderge alǵysymyzdy bildiremiz! Aldaǵy kúnderi úlken bıikterden kórine berińder! Búgingi jeńisteriń qutty bolsyn!