InfoHub Logo

Taqyryby: «Ýnıversıada Aqerkede» (Densaýlyq festıvali)
Maqsaty: Qyzmetkerlerdiń salaýatty ómir saltyna óz úlesterin qosýǵa úndeý, qyzyǵýshylyqtaryn arttyrý, aýyzbirshilikke, birikken is áreketke baýlý.

Sálemetsizder me, qurmetti áriptester! Shynyqsań shymyr bolarsyń demekshi, sizderdi salaýatty ómir súrý saltyn ustaný maqsatynda «Ýnıversıada Aqerkede» atty Densaýlyq festıvaline shaqyramyn.
Densaýlyq festıvalyna qosh keldińizder!

Shynyqsań shymyr bolasyń
Saýyǵyp aıdaı tolasyń,
Sportty serik ete bil,
Jaqsy azamat bolasyń!
Jeńimpaz bolý ońaıma?
Arman bolǵan talaıǵa
Bolmasań da uqsap baq,
Jarysqa túsip qalaıda.

Búgingi qysqy sporttyq saıysqa «Aqerke» bóbekjaı balabaqshasynyń qyzmetkerleri qatysqaly tur. Olaı bolsa saıysqa qatysýshy komandalardy ortaǵa shaqyramyz.

Jarysqa qatysýshylardy ortaǵa shaqyramyz.
Ár tańdy baqytpen atyramyz,
Ónerli oı kóginde baqylańyz.
Saıysqa qatysýǵa endi ortaǵa,
«Aqerke» qyzmetkerlerin shaqyramyz.
1. Jalyn toby
2. Dostyq toby

Ánuran:
Saıysty bastamas buryn, saıysymyzǵa ádil baǵa beretin ádilqazylar alqasymen tanys bolaıyq.
1. Balabaqsha meńgerýshisi: Qarymsaqova Rabıǵa Kóptileýqyzy
2. Balabaqsha ádiskeri: Serikbaeva Klara Toǵamysqyzy
3. Balabaqsha meıirkeshi: Ashyqbaı Sáýle Tórehanqyzy

Saıysymyzdy bastaımyz!
Saıys 5 kezeńnen turady.
1. «Shańǵyny tabý» oıyny
2. «Taksı» oıyny.
3. «Qar jınaý» oıyny.
4. «Hokeı» oıyny
5. «Seriktester» qımyldy oıyn

1. «Shańǵyna tabý» oıyny.
Sharty: Kedergiler arasymen júrip mejeden aınalyp oryndaryna kelý.
2. «Taksı» oıyny.
Sharty: Top basshylary kedergilerdiń arasymen júgirip top múshelerin bir – birlep jınaý.
3. «Qar jınaý» oıyny.
Sharty: Kishkentaı shelekten qardy alyp kedergilerden ótip úlken shelekti toltyrý.
4. «Hokeı» oıyny
Sharty: Klúshkamen dopty kedergiler arqyly júrip, doǵaǵa dáldep túsirý.
5. «Seriktester» qımyldy oıyn.
Sharty: Oıynshylar sheńber boıymen aınala turyp, biriniń oń jaq ıyǵyna qoldaryn qoıyp, sol aıaqtaryn kóterip sheńberdi boılaı sekirip júredi. Qaı oıynshy kótergen aıaǵyn jerge túsirip alsa, sol oıynshy qalǵansha oıyn jalǵasa beredi.
Jarys zańy ejelden
Jeńimpazdy anyqtaý
Jeńimpaz bolý sharty sol
Eńbektený, jalyqpaý.
Bireý ozsa saıysta,
Bireý artta qalady.
Bul saıystan renjimeı
Tarasa bizge jarady -
demekshi saıysymyzdyń sharttary boıynsha qorytyndy shyǵaryp jeńimpazdy anyqtap, marapattaý sóz ádilqazylarǵa beriledi.
Ýa, halqym nazar aýdar densaýlyqqa!
Ómirde baqyttysyń deniń saýda.
Densaýlyq tereń baqyt degen sózdi,
Qur aıtpaǵan uly Abaı danamyzda –
deı kele búgingi saıysymyzdy aıaqtaımyz.

Qyzylorda oblysy, Qazaly qalasy
№1 «Aqerke» bóbekjaı - balabaqshasynyń dene tárbıe jetekshisi
Tólegenova Aısáýle Ońbosynqyzy