InfoHub Logo

Taqyryby: Ertegiler áleminde
Bilim salasy «Qatynas» «Shyǵarmashylyq»
Bilim bólimi: «Kórkem ádebıet» «Sýret»
Maqsaty: Ótken ertegilerdi pysyqtaý
«Baýyrsaq» ertegisi jelisi arqyly balanyń oqý is - áreketine degen qyzyǵýshylyqtaryn oıatyp, sahnalaý sheberligin arttyrý. Qıalyn, til baılyǵyn oılaý qabiletin damytý. Saýsaq motorıkasyn damytý. Balalardyń dostyq sezimderin qalyptastyrý, bir - birine kómek kórsete bilý sezimderin nyǵaıtý.
Kórnekti quraldar: Ertegilerge arnalǵan sújetti sýretter, ertegiler kórmesi, ertegi keıipkerleriniń kıimderi, aq paraqtar, maıly boıaý t. b. Perızat hanshaıym kıimi.
Pán aralyq baılanys: Integraldy sabaq, kórkem ádebıet, sýret.
Qostildilik komponent: Baýyrsaq - kolobok, dedýshka - ata, babýshka – áje, qoıan - zaıs, qasqyr - volk, aıý - medved, túlki - lısa.
Ádis - tásilder: Suraq - jaýap ertegini sahnalaý, tosyn sát.
«Túlkimen baýyrsaq»qozǵalmaly oıynyn kórsetý, jumbaq sheshý, sýretpen jumys.

Shattyq sheńberi: «Biz dospyz» birlese taqpaq aıtaıyq
Qýan shattan!
Qýan shattan!
Qýanatyn kún búgin.
Qaıyrly tań!
Qaıyrly tań!
Kúlip shyqty kún búgin.
- Balalar qazir jyldyń qaı mezgili?
- qys mezgili
- Qys mezgili ekenin qalaı ajyratamyz?
Tosyn sát:
- Perızat hanshaıym qonaqqa keledi. Qolynda sandyqshasy bar.
- Sálemetsizder me balalar!
- Men senderge «Ertegiler áleminen» qonaqqa keldim. Senderge sıqyrly sandyqsha ákeldim.
- Káne, tekserip kóreıik
(kartochka taratyp beredi)
- Balalar aldaryńdaǵy sýretterde qaısy ertegi keıipkerlerin kórip tursyńdar?
- Sol sýretterdi, ertegi jelisi boıynsha rettep qoıyp, áńgimelep berińdershi?
- Baýyrsaq, Jeti laq, Úıshik, Shalqan ertegilerin áńgimeleý
- Tamasha, jaraısyńdar! Men senderge rıza boldym, saý bolyńdar!

Jumbaq sheshý: Seskenbegen qasqyrdan, qashyp ketti aıýdan.
Esh qapersiz júrgende, túlki jutty qapydan.
Bul qaı ertegi?(Baýyrsaq)
Endeshe búgingi sabaqta «Baýyrsaq» ertegisin sahnalap úırenemiz. (Balalar sahnalyq kıimderin kıedi, ertegi keıipkerleriniń is - áreket qımyldaryn sózderin mánerine keltirip oınaıdy.)

Sergitý sáti
«Túlki men baýyrsaq» qozǵalmaly oıyny. Balalar sheńberge turady túlki baýyrsaqty qýady, baýyrsaq qashyp qutylyp ketedi
- Balalar bul oıynnan ne uqtyq?
- Eger baýyrsaq júgire bilse, túlkige jem bolmaǵan bolar edi.
Suraq - jaýap
Ertegidegi ańqaý ańdardy ata.(Aıý, qoıan, qasqyr)
Túlki qandaı ań? (aılaker, qý)
Baýyrsaqty kim jedi?(túlki)
Túlki baýyrsaqty qandaı amalmen jep qoıdy? (aılakerligimen)
Baýyrsaq qandaı jaǵdaıda aman qalar edi?
Qalaı oılaısyńdar?
Qostildilik komponent: Baýyrsaq - kolobok, dedýshka - ata, babýshka – áje, qoıan - zaıs, qasqyr - volk, aıý - medved, túlki - lısa, aıý - medved.
Sýretpen jumys
Endi balalar osy ertegidegi baýyrsaqty qaǵaz betine túsireıik
Baýyrsaqtyń túsi qandaı? (sary)
Pishini qandaı?(domalaq)
Endi aýada saýsaǵymyzben domalaqty syzyp kórseteıik.
Aldymyzdaǵy aq qaǵazdyń ortasyn baǵdarlap, saýsaǵymyzdyń bas barmaq, ortan terek, shyldyr shúmek, kishkene bóbek saýsaqtaryn ishke qaraı búgip, suq saýsaǵymyzben sary boıaýdy qaǵazdy uqypty etip, domalaqtap baýyrsaq pishinin salamyz.
Endi ishin boıaımyz.

Óz betinshe jumys
Jeke kómek
Balalardyń salǵan sýretinen kórme uıymdastyryp, salystyrý.
Búgingi sabaqty qorytyndylaý úshin jumbaqtar aıtamyn.
Shal ábden tartty shyǵa almady
Kempirimen nemeresi qosyldy shyǵara almady
Kúshik, mysyq jáne tartty shyǵara almady
Tyshqan kelip tartqanda ony jerden shyǵardy.(Shalqan)
Orman, toǵaı ishindegi úıshikte, turyp jatty úsh aıý
Úsh oryndyq, úsh tabaq, úsh tósekpen úsh jastyq.
Bar jıhazy osy – aq
Bul qaı ertegi?(Úsh aıý)
Ormandaǵy súp - súıkimdi úıde, tyshqan, baqa, qoıan
Osy kezde qorbańdap aıý keldi
Shyqqan kezde úıshikke, aınaldy ol tómpeshikke.
Bul qaısy ertegi?(Úıshik)
Tosyn sát
Túlki baýyrsaqty jegeni úshin keshirim surap, tabaq toly baýyrsaqty balalarǵa syılaıdy.

Refleksıvti korreksıalaý.
- Balalar búgin oqý is - áreketinde ne istedik?
- Ertegiler aıttyq, jumbaq sheshtik, oıyn oınadyq, suraqtarǵa jaýap berdik, jańa sózder bildik, kishkentaı ártisterimiz ertegi qoıyp berdi, Perızat hanshaıymmen tanystyq, eń qýanyshtysy túlki bizden keshirim surap, baýyrsaqty qaıtaryp berdi.
Baǵalaý madaqtaý.

Qazaly qalasy,
№1 «Aqerke» bóbekjaı - balabaqshasy
Tárbıeshi: Qazıeva Gýlnar Qazybekqyzy

Tolyq nusqasyn júkteý