InfoHub Logo

Densaýlyq jýrnalynyń tarıhy 1929 jyly tamyz aıynda 1 sany jaryq kórgen «Densaýlyq joly» jýrnalynan bastaý alady. Bul jýrnal Qazaqstanda densaýlyq saqtaý máselelerine arnalyp, qazaq tilinde shyǵyp turdy. Eń alǵash tórt myń danasy tarady.

«Densaýlyq jolynyń» jaryqqa shyǵýyna yqpal jasaǵan M.Qalasytátimov boldy. Alǵashqy jyly bas redaktor qyzmetin atqardy. 1930 – jyldan bastap bul qyzmetti B.Ábdirahmanov pen S.Aspandıarov jalǵastyrdy. H.Dosmuhamedulynyń maqalalary jýrnalda jıi jarıalanyp turǵan. 1932 jyly óz jumysyn toqtatady. Osylaısha araǵa elý segiz jyl salyp 1990 jyly qaıta jańǵyryp qazirgi ataýmen turaqty túrde shyǵyp keledi.

Sonymen qazirgi tańda «Densaýlyq» - qazaq tilinde aı saıyn shyǵatyn respýblıkalyq ǵylymı jýrnal bolyp tabylady. Jýrnal qazirgi zamanǵy medısına máselelerine , ásirese asa kóp taraǵan aýrýlar men qaýipti indetterge basa nazar aýdaryp, olardyń aldyn alý, emdeý sharalaryn der kezinde kóterip keledi. Qazirgi ýaqytta keń taralyp jatqan koronovırýstan qalaı saqtaný jaıly maqalalar oqyrman nazaryna usynyldy.

Erekshe aıta ketetini Qazaqstannyń áskerı synaq alańdaryna aınalǵan aımaqtaryndaǵy: Semeı, Batys Qazaqstan, Qyzylorda qalalaryndaǵy radıasıa kesapaty – jýrnaldyń negizgi taqyrybyna aınalǵan. «Densaýlyq» elimizde medısına mekemeleriniń jumysyn, dárigerlerdiń kásibı mamandyǵyn jetildirý, emdeý sapasyn jaqsartý máselelerine kóńil bóledi. Medısına tarıhyna, dárigerlerdiń eńbek jolyna arnalǵan, dári-dármekterdi qoldaný týraly materıaldar arnaýly aıdarlarmen berildi.

Jýrnaldyń «Kókeıtesti» atty aıdarynda «Deni saý urpaq maǵynaly ómir kepili degen maqala jarıalanǵan eken. Sol maqalany oqı otyryp myna sózderdi kóńilime bekittim: «Adam baqytty bolý úshin bul dúnıede eki nárse kerek: birinshi — densaýlyq, ekinshi – bilim. Osy ekeýi birikse, adam aldynda alynbaıtyn qamal, jetpeıtin arman, ıgerilmeıtin maqsat joq». Endi qoryta meniń aıtqym keletini osy jýrnaldy oqı júrip densaýlyqty qalaı jaqsartyp, kýtýge bolatynyn, sonymen qatar bilim úırenesiń!

JAQYPBEKOV OLJAS

---